Pune Traffic: लोकशाहीर अण्णाभाऊ साठे जयंतीनिमित्त पुण्यातील वाहतुकीत बदल, 1 ऑगस्टला हे मार्ग बंद

पुणे: लोकशाहीर अण्णाभाऊ साठे यांच्या जयंतीनिमित्त 1 ऑगस्ट रोजी पुणे शहरात विविध सामाजिक संस्था, स्थानिक मंडळे आणि राजकीय पक्षांच्या वतीने सारसबाग येथील अण्णाभाऊ साठे यांच्या पुतळ्यास पुष्पहार अर्पण करण्यासाठी मिरवणुका आयोजित करण्यात येणार आहेत. त्यामुळे जेधे चौक ते सारसबागदरम्यानचा बालाजी विश्वनाथ पथ वाहतुकीसाठी बंद ठेवण्यात येणार असून वाहनचालकांनी पर्यायी मार्गांचा वापर करण्याचे आवाहन वाहतूक शाखेने केले आहे. वाहतूक पोलीस उप-आयुक्त हिंमत जाधव यांनी हा आदेश जारी केला आहे.