काय आहे संपूर्ण प्रकरण?
उत्तर प्रदेशातील बरेली जिल्ह्यातील शाही पोलीस स्टेशन परिसरात प्रेमाची एक विचित्र गोष्ट समोर आली आहे. इथे एका महिलेचं लग्न 10 वर्षांपूर्वी रामपुर जिल्ह्यातील एका गावात झालं होतं. या महिलेला तीन मुलंही आहेत. पण कधी धाकट्या बहिणीचं मोठ्या बहिणीच्या नवऱ्यासोबत प्रेमप्रकरण सुरू झालं, हे कोणाला कळलंच नाही. दाजीचाही लहान मेहुणीवर जीव जडला. पण कुटुंबातील सदस्य त्यांच्यामध्ये अडथळा ठरत होते. त्यामुळे त्या दोघांमध्ये रात्री पळून जायचं ठरलं. त्यानंतर दाजी आणि मेहुणी कोणालाही न सांगता, लपून-छपून घरातून पळून गेले. आता पोलीस दोघांचा शोध घेत आहेत.
advertisement
वडिलांची पोलिसांत तक्रार
मुलीच्या वडिलांनी पोलिसांत तक्रार दाखल केली आहे. त्यांनी सांगितलं, "मी माझ्या मोठ्या मुलीचं लग्न 10 वर्षांपूर्वी केलं होतं. 24 मे रोजी माझा जावई घरी आला होता. तो सगळ्यांशी चांगला बोलत होता. त्यामुळे कोणालाही संशय आला नाही. रात्री जेवण झाल्यावर सगळे झोपायला गेले. याच दरम्यान, अंधाराचा फायदा घेऊन जावयाने माझ्या 15 वर्षांच्या धाकट्या मुलीला पळवून नेलं. सकाळी जेव्हा सगळे उठले, तेव्हा जावई घरातून गायब होता. मुलगीही नव्हती. यानंतर संपूर्ण प्रकरण स्पष्ट झालं."
पतीची चूक अन् शिक्षा पत्नीला
त्यांनी सांगितलं की, जेव्हा ते जावयाविरुद्ध तक्रार घेऊन त्याच्या घरी पोहोचले, तेव्हा घरच्यांनी मोठ्या मुलीला धमकी द्यायला सुरुवात केली. यानंतर मुलीला मारहाण करून तिच्या तीन मुलींसह घरातून हाकलून देण्यात आलं. पीडितेच्या तक्रारीवरून पोलिसांनी गुन्हा दाखल केला आहे. पोलीस आरोपी आणि त्याच्या मुलीचा शोध घेत आहेत. कारण दोघेही कुठेतरी पळून गेले आहेत. लवकरच दोघांना पकडून कुटुंबाच्या ताब्यात दिलं जाईल.
हे ही वाचा : ‘कुतूबमिनार’ उभारण्यासाठी तोडली होती 27 हिंदू-जैन मंदिरे? इतिहासकारांनी सांगितलं त्यामागचं सत्य!
हे ही वाचा : तिसऱ्या लग्नाची अनोखी गोष्ट! पुतण्याच्या प्रेमात पडली बायको, पतीने बोलावली पंचायत अन् लावून दिलं लग्न; वाचा सविस्तर