TRENDING:
ठाण्यात आयोजित या गुढीपाडवा सोहळ्यात महाराष्ट्राचे उपमुख्यमंत्री एकनाथ शिंदे यांनीही हजेरी लावली होती. त्यांच्या उपस्थितीत पार पडलेल्या या शोभायात्रेत अमृता रावने उत्साहाने सहभाग घेतला. या शोभायात्रेत सहभागी झाल्यानंतर अमृता रावने न्यूज18 मराठीशी बोलताना सांगितलं, "मला पारंपरिक मराठी पेहराव खूप आवडतो. नऊवारी साडी घालण्याचा अनुभव नेहमीच खास असतो."
advertisement
यावेळी बोलताना तिने मीनाताई ठाकरे यांची आठवण काढली. मराठमोळ्या पेहरावाविषयी बोलताना ती म्हणाली, "मला मराठमोळा साज करायला आवडतो. मी ठाकरे फिल्ममध्ये मीनाताई ठाकरेंचा रोल केला होता. तेव्हा मला अशाच मराठी गेटअपमध्ये येण्यासाठी संधी मिळाली होती."
अमृता रावची ही पहिली शोभायात्रा होती. या शोभायात्रेचा अनुभव सांगताना ती म्हणाली, पहिलाच शोभायात्रेचा अनुभव आहे. "मी शोभायात्रेचा अनुभव पहिल्यांदा घेतेय. मला मी खूप आनंद घेतेय. मला खूप छान वाटत आहे. ही पदयात्रा ठाणेकरांसाठी अभिमानाचा विषय आहे. यात एकता परंपरा आणि नववर्षाच्या स्वागाचा सुंदर मेळ आहे. लहान मुलांपासून सर्व वयोगटातील लोक सजून नटून इथे दिसतात."
यावेळी अमृताला तिच्या आवडत्या मराठी पदार्थाबद्दल विचारण्यात आले असता तिने ‘उकडीचे मोदक’ हे तिचे आवडते असल्याचे सांगितलं. ती म्हणाली, "कोणतंही सेलिब्रेशन असो, उकडीचे मोदक मला खूप आवडतात. ते माझ्यासाठी बेस्ट आहेत."
अमृता रावच्या उपस्थितीमुळे ठाण्याच्या शोभायात्रेला आणखी रंगत आली. तिच्या मराठमोळ्या अंदाजाने आणि साधेपणाने चाहत्यांची मनं जिंकली.