BBM 6 : भाऊ म्हणून वावरता आणि एका महिलेवर...! 'बिग बॉस'च्या घरात सचिन कुमावतचं 'ते' कृत्य पाहून भडकला रितेश देशमुख

बिग बॉस मराठी 6 भाऊच्या धक्क्याचा प्रोमो समोर आला आहे. ज्यात रितेश देशमुख सचिन कुमावता झापताना दिसतो आहे. भाऊ म्हणून वावरता आणि एका महिलेसोबत असं करता का?, याबाबत रितेशने सचिनला जाब विचारला आहे. आता सचिनने असं काय केलं की रितेश त्याच्यावर भडकला, रितेश सचिनला नेमकं काय म्हणाला पाहुयात.

Bigg Boss Marathi 6 च्या घरात 'महाराष्ट्राचं तुफान'; नवीन Wild Card Entry, कोण आहे?

advertisement

प्रोमोत तुम्ही पाहू शकता रितेश बोलतो सचिन तुम्ही राखी यांच्या तोंडावर पाणी फेकलं, पीठही टाकलं. हे तुमचं नॅच्युरल रिएक्शन होतं. यावर सचिन म्हणतो, ठरलेलं नव्हतं भाऊ.

रितेश विचारतो, "तुम्ही एका महिलेच्या चेहऱ्यावर पाणी कसं फेकू शकता. तुम्ही इथं सचिन भाऊ म्हणून वावरता ना. काय तुमची रिस्पेक्ट राहणार आहे. हे मला खूप खटकलं"

सचिनने नेमकं काय केलं होतं?

सुरुवात झाली ती राखी आणि प्राजक्तामधील वादापासून. राखी प्राजक्ताला सांगते चला झाडू मारा आता नाटकं नकोत मला. त्यावर प्राजक्ता मी एकटी नाही करणार असं म्हणताना दिसते. त्यानंतर राखी आता माझं डोकं फिरलंय असं म्हणत किचनमधील पीठ घेते आणि ते प्राजक्ताच्या तोंडावर फेकते.

आईच्या आठवणीत ओक्शाबोक्शी रडत होती राखी, बाहेर असं काय घडलं ज्यामुळे फिदीफिदी हसत होत्या प्राजक्ता-अनुश्री

यानंतर मात्र घरातील सगळे सदस्य पेटून उठतात. कुणीतरी तिला बिनडोक म्हणतं, त्यानंतर सचिन कुमावत पहिलं हे साफ कर असं सांगतो. यावर राखी त्याला निघा असं म्हणते. तर सागर पीठबिट टाकायचं तर घरी टाकायचं इथं कुणावर टाकायचं नाही असं सांगतो, राखी त्याला शटअप म्हणते, सागर तिला यूशटणप म्हणतो. राखी काही ऐकत नाही. मग विशाल, सचिनही राखीवर पीठ टाकतात.

राखी नंतर पाय जमिनीवर रगडून तुम्ही माझ्या पायाखाली असं म्हणते. तितक्यात सचिन तिथं येतो आणि तो तिच्या तोंडावर पाणी फेकतो आणि बंद कर असं ओरडतो. सचिनने तोंडावर पाणी फेकताच राखी पेटून उठते. ती खुर्ची फेकते आणि पाणी टाकलं मला, माफी मांग असं सांगते. पण सचिन आतमध्ये निघून जातो.