आईच्या आठवणीत ओक्शाबोक्शी रडत होती राखी, बाहेर असं काय घडलं ज्यामुळे फिदीफिदी हसत होत्या प्राजक्ता-अनुश्री

आपल्या जवळच्या व्यक्तीला फोन करण्याच्या टास्कमध्ये राखी सावंतने तिच्या आईला फोन केला. राखी ओक्शाबोक्सी रडली. राखीला पाहून सगळ्यांच्या डोळ्यात पाणी आलं. पण दुसरीकडे अनुश्री आणि प्राजक्ता मात्र हसताना दिसल्या. अनुश्रीला हसू आल्याने ती वॉशरूममध्ये गेली. पुन्हा बाहेर आल्यानंतर तिला हसताना पाहून प्राजक्ता देखील हसू लागली. एकीकडे राखी तिच्या आईच्या आठवणीत हंबरडा फोडत असताना दुसरीकडे अनुश्री आणि प्राजक्ताला हसताना पाहून बिग बॉसने त्यांना चांगलंच झापलं.