पुणे हादरलं! "मी पत्नीला संपवलंय.."; भल्या पहाटे मनोहर पोलिसांकडे आला, घराचा दरवाजा उघडताच सगळ्यांचा उडाला थरकाप

पुणे : पुणे जिल्ह्याच्या शिरूर तालुक्यातील तळेगाव ढमढेरे येथे एका संतापजनक घटनेनं खळबळ उडाली आहे. किरकोळ प्रापंचिक वादातून पतीने आपल्या पत्नीच्या डोक्यात लोखंडी हातोडीने सपासप वार करून तिची निर्घृण हत्या केली. धक्कादायक बाब म्हणजे, हे अघोरी कृत्य केल्यानंतर आरोपी पती स्वतःहून शिक्रापूर पोलीस ठाण्यात हजर झाला आणि त्याने गुन्ह्याची कबुली दिली.