TRENDING:
एव्हिक्शन आठवड्याच्या शेवटी होतं. पण आठवड्याच्य सुरुवातीलाच घरातील एका सदस्याला बिग बॉसने बाहेर काढणार आहेत. हा सदस्य दुसरा तिसरा कुणी नाही तर राखी सावंत आहे. आठवडाभरापूर्वीच राखी सावंतची बिग बॉस मराठी 6 मध्ये वाइल्ड कार्ड एंट्री झाली. यानंतर घरातील सदस्यांची बोबडी वळली आणि प्रेक्षकांना बिग बॉस पाहायला मजा वाटू लागली. तिने घरातील सदस्यांच्या नाकात दम करून ठेवला. पण आता राखीचं घरातील कृत्य पाहून बिग बॉसही भडकले आहेत.
advertisement
बिग बॉसच्या नव्या प्रोमोत बिग बॉस राखीवर भडकलेले दिसत आहेत. ते राखीला म्हणतात, "राखी मी नाराज आहे". यावर राखी हात जोडत त्यांची माफी मागते. यावर बिग बॉस म्हणतात, "आता बिग बॉस वाट लावणार" आणि तिला कन्फेशन रूममध्ये बोलवतात. राखीच्या चेहऱ्याचा रंगच उडतो.
कन्फेक्शन रूममध्ये जातात राखी डोळे मिटून शांत बसते. एरवी बिनधास्त असणारी राखी सावंत यावेळी मात्र घाबरलेली दिसते. बिग बॉस म्हणतात, "या घराची जी अवस्था आहे, त्यामुळे आपल्यावर अॅक्शन घ्यायचं ठरवलं आहे", असं बिग बॉस तिला सांगतात. हे ऐकताच राखीला धक्का बसतो, "बिग बॉस मी काय केलं आहे", असं विचारते.
यानंतर बिग बॉस टिमला राखीला बाहेर काढण्याचा आदेश देतात. दोन लोक येतात आणि राखीचे दोन्ही हात धरून खेचून बाहेर नेताना दिसतात. राखी रडते, हात जोडते, "मला राहायचं आहे, नाही नाही नाही", असं म्हणताना ऐकू येतं. घरात राहण्यासाठी ती धडपड करताना दिसते. राखीबाबत बिग बॉसने घेतलेला हा कठोर निर्णय ऐकून घरातील सगळ्या सदस्यांना धक्का बसतो.
आता राखीने असं काय केलं, असा प्रश्न तुम्हालाही पडला असेल. प्रोमोमध्ये राखी बेडवर कचरा टाकताना तसंच एक जळलेलं भांडं दाखवताना दिसते. आता नेमकं राखीने काय केलं आहे, ज्याची इतकी मोठी शिक्षा तिला मिळाली आहे आणि खरंच बिग बॉस राखीला घराबाहेर काढणार का? हे येणाऱ्या एपिसोडमध्येच समजेल.