दीपक शर्मा यांच्या निधनामुळे संगीत विश्वात शोककळा पसरली. मात्र, त्यांचे निधन होण्याच्या अगदी काही वेळ आधीचा एक व्हिडीओ सध्या खूप चर्चेत आला आहे. हॉस्पिटलमधील बेडवरुन ते बासरी वाजवताना दिसत आहेत. त्यांचा हा व्हिडीओ सोशल मीडियावर चांगलाच चर्चेत आला आहे. त्यांनी वाजवलेली धून ऐकून डोक्टरांच्याही डोळ्यात पाणी आलं होतं. दीपक शर्मा यांना गंभीर आजारामुळे चेन्नईतील रिला रुग्णालयात दाखल करण्यात आलं होतं.
advertisement
आपण फार काळ जगणार नाही याची जाणीव असताना जाता जाता त्यांनी सगळ्यांना आपल्या बासरीचे सूर पुन्हा एकदा लाईव्ह ऐकवले. हातात बासरी घेऊन अत्यंत शांतपणे वाजवत होते. आयुष्याच्या अंतिम क्षणांमध्ये त्यांनी जी धून ऐकवली त्यानंतर सगळेच हळवे झाले डोळ्यातून अश्रू वाहू लागले. अखेरचा हा व्हिडीओ सध्या सोशल मीडियावर चांगलाच चर्चेत आला आहे.
व्हिडीओची लिंक पाहण्यासाठी इथे क्लिक करा
जुबिन गर्ग आणि सय्यद सादुल्लाह यांच्या निधनानंतर संगीत जगताने एका आणखी दिग्गजाला गमावले आहे. दीपक शर्मा यांच्या निधनामुळे संगीत क्षेत्राचे मोठे नुकसान झालं. त्यांच्या 'जादुई' बासरी वादनाची ती शेवटची धून ऐकून अनेकांच्या डोळ्यात अश्रू पाणी आलं. कलेवर निस्सीम प्रेम करणारा हा बासरीचा सूर कायमचा हरपल्याचं भावना आजही सोशल मीडियावर चाहते व्यक्त करत आहेत.
दीपक शर्मा यांना मागच्या काही वर्षांपासून लीवरचा गंभीर आजार होता. त्याच्याशी झुंज देत होते. उपचार सुरू असतानाही त्यांनी बासरी वाजवणं कुठेही कमी केलं नव्हतं. अगदी शेवटच्या क्षणी हॉस्पिटलमध्ये देखील त्यांनी बासरी वाजवली. त्यांचा हा व्हिडीओ खूप भावूक करणारा आहे.