TRENDING:
काय आहे अशोक खरात प्रकरण?
नाशिकचा हा भोंदूबाबा अशोक खरात वास्तविक एक लिंगपिसाट नराधम निघाला आहे. SIT ने केलेल्या तपासात अनेक धक्कादायक खुलासे झाले असून तपासात समोर आलेल्या गोष्टी ऐकल्यावर कोणाच्याही पायाखालची जमीन सरकेल. पोलिसांना खरातच्या ताब्यातून तब्बल ५८ अश्लील व्हिडिओ सापडले असून यामध्ये तो महिलांवर तंत्रमंत्राच्या नावाखाली अत्याचार करताना दिसत आहे. या प्रकरणी आतापर्यंत ८ महिला समोर आल्या आहेत. तंत्रमंत्राच्या दबावाखाली त्याने या महिलांना आपल्या जाळ्यात ओढलं होतं. केवळ महिलाच नाही, तर खरातने एका विद्यार्थिनीचेही त्याने लैंगिक शोषण केल्याचे उघड झाले असून आतापर्यंत त्याच्यावर ७ गंभीर गुन्हे दाखल झाले आहेत.
advertisement
खरात प्रकरणावर सचिन गोस्वामींची जळजळीत पोस्ट
या संतापजनक प्रकारावर प्रसिद्ध दिग्दर्शक सचिन गोस्वामी यांनी शेअर केलेली पोस्ट तुफान व्हायरल झाली आहे. सचिन यांनी आपल्या पोस्टमध्ये लिहिलंय, “प्रयत्ने चिंचोकी घासता, लाख ही मिळे…” हे वाक्य उपहासात्मक असून महिलांच्या असहायतेचा गैरवापर करणाऱ्या खरातला त्यांनी आपल्या शब्दांनी फटकारले आहे. मराठीमध्ये एक जुनी म्हण आहे, "प्रयत्ने वाळूचे कण रगडिता तेलही गळे." याच म्हणीचा वापर करत खरातने कशा प्रकारे 'चिंचोकी' म्हणजेच क्षुल्लक भोंदूगिरी घासून लाखो रुपये आणि सत्ता कमावली, यावर त्यांनी हे भाष्य केलं आहे.
याआधी अतुल कुलकर्णी यांनीही या प्रकरणावर कठोर पोस्ट शेअर करत समाजाला जळजळीत प्रश्न विचारले होते. अतुल यांनी या पोस्टमध्ये म्हटलं होतं, "हे लोक पकडले गेले तरच 'भोंदू' ठरतात, पण त्याआधी ते कोण असतात?" सध्या खरातचे बड्या राजकीय नेत्यांसोबतचे फोटो आणि संबंधही समोर येत असल्याने हे प्रकरण अधिकच गुंतागुंतीचे बनलं आहे. एसआयटी या प्रकरणाच्या मुळापर्यंत पोहोचण्याचा प्रयत्न करत असून खरातच्या या विकृत उद्योगात त्याला साथ देणाऱ्यांचा पर्दाफाश लवकरच होईल, अशी अपेक्षा व्यक्त केली जात आहे.