‘लाईक आणि सबस्क्राईब’ प्रिमिअरवेळी संपूर्ण टीम अगदी हटके आणि ग्लॅमरस अंदाजात पाहायला मिळाली. अमृता खानविलकर, अमेय वाघ, जुई भागवत असे अनेक कलाकार उपस्थित होते. सोबतच गौतमी पाटीलही होतीच. मात्र या प्रिमिअरवेळी गौतमी पाटील नो-मेकअप लूकमध्ये पाहायला मिळाली. ती अगदी सिंपल लूकमध्ये आली होती. गौतमीचा हा साधा अंदाजही तिच्या चाहत्यांना घायाळ करणारा होता.
advertisement
VIDEO: 'मला आज यायचं नव्हतं पण...' बिग बॉस 18 च्या सेटवर Salman Khan इमोशनल!
गौतमीने तिच्या इन्स्टाग्राम अकाऊंटवर प्रिमिअरवेळीच्या काही खास क्षणांचा व्हिडिओ शेअर केला आहे. यामध्ये गौतमी लाल रंगाच्या ड्रेसमध्ये दिसली. तिनं मेकअप केला नव्हता, कुठलाही ग्लॅमरस अंदाज तिचा नव्हता मात्र तरीही गौतमीने लाइमलाईट खेचली. व्हिडिओ व्हायरल होत असून चाहते तिच्या या साध्या अंदाजाचं कौतुक करत आहेत.
गौतमीच्या या विनामेकअप लूकपुढे ग्लॅमरस अमृता खानविलकरही फिकी पडली. चाहते कमेंट करून म्हणत आहेत, "पब्लिक क्वीन", "सिंप्लिसीटी", "सबसे कातिल गौतमी पाटील", "सेलिब्रिटी गौतमी".
दरम्यान, ‘लाईक आणि सबस्क्राईब’ या सिनेमात गौतमी पाटील पहिल्यांदाच आयटम सॉंग करताना दिसणार आहे. ‘लिंबू फिरवंल’ या गाण्यात गौतमी झळकली असून तिचा हा नवा अंदाजही प्रेक्षकांच्या पसंतीस उतरत आहे.