TRENDING:
युवराजच्या आयुष्यामध्ये आलेल्या प्रत्येक टप्प्यांतून आपल्याला खूप काही शिकता येईल, या अनुषंगाने त्याने आपली मनातली इच्छा व्यक्त केली आहे. सिद्धांत चतुर्वेदीचं क्रिकेटसोबतचं फार गहिरं नातं आहे. न्यूज 18 ने दिलेल्या वृत्तानुसार, सिद्धांतने आपल्या फिल्मी करियरची सुरूवात "इनसाइड एज" वेब सिरीजच्या माध्यमातून केली आहे. त्या चित्रपटामध्ये क्रिकेटचे अनेक गुपिते उलगडण्यात आले आहे. त्यानंतर सिद्धांतने "गेहराईयाँ" आणि "खो गये हम कहाँ" सारख्या चित्रपटांतून स्वतःचे एक वेगळे स्थान निर्माण केले. फिल्म इंडस्ट्रीमध्ये 10 वर्षे पूर्ण केल्यानंतर, सिद्धांतने महत्त्वाचं भाष्य केले आहे, तो म्हणाला की, नेटवर्किंग किंवा पीआरच्या खेळामध्ये मी पक्का नाही. स्वतःला कसे सादर करायचे हे माहित नाही. कलाकाराची खरी ओळख, हे त्याचं काम असावं, असं सिद्धांतचं मत आहे.
advertisement
आजच्या युगात, जिथे प्रत्येकजण सुपरस्टार बनण्यासाठी स्पर्धा करत आहे. युवराज सिंगला स्वत:चा "आयकॉन" समजणाऱ्या सिद्धांत चतुर्वेदीला स्वत:ला ग्लॅमर दुनियेत हरवून द्यायचे नाही. तो म्हणतो की जेव्हा आपण, कोणत्याही गोष्टीची शुन्यापासून सुरुवात करता, तेव्हा तुम्हाला त्या बद्दलचे वास्तव माहिती असते. त्यामुळे तुम्ही खोट्या लोकांपासून दूर राहणंच महत्त्वाचं समजता. सिद्धांतला आशा आहे की, त्याला एकदा तरी का होईना, युवराज सिंगची भूमिका आणि त्याचा संघर्ष मोठ्या पडद्यावर साकारण्याची संधी मिळेल. सध्या सिद्धांत ‘दो दीवाने शहर में’ चित्रपटामुळे कमालीचा चर्चेत आहे. त्याचा हा आगामी चित्रपट बॉक्स ऑफिसवर कशापद्धतीने बॅटिंग करतो, हे पाहणे औत्सुक्याचं ठरणार आहे. सिद्धांथ चतुर्वेदीसोबत या चित्रपटातून मृणाल ठाकूर सुद्धा प्रमुख भूमिकेतून चाहत्यांच्या भेटीला येणार आहे. हा चित्रपट येत्या 20 फेब्रुवारी रोजी संपूर्ण देशामध्ये रिलीज होणार आहे.