TRENDING:
दोन स्पष्टवक्ते अन् एक घट्ट मैत्री
अजित पवार आणि नाना पाटेकर हे दोन व्यक्ती म्हणजे जणू दोन भिन्न टोकं. पण त्यांच्या स्वभावात एक समान धागा होता, तो म्हणजे कमालीचा स्पष्टवक्तेपणा आणि कामाची शिस्त. नानांना दादांच्या कामाचा उरक आवडायचा, तर दादांना नानांचं समाजकार्य आणि त्यांचा साधेपणा भावयाचा. राजकारणाच्या धावपळीतून थकले-भागले की दादा अनेकदा नानांच्या फार्महाऊसवर पोहोचायचे. तिथे कोणताही प्रोटोकॉल नसायचा, केवळ साध्या जेवणाची ताटं आणि मनापासून मारलेल्या गप्पा असायच्या.
advertisement
जेव्हा नानांनी घेतलेली दादांची फिरकी
दादांच्या निधनानंतर सोशल मीडियावर त्यांच्या अनेक आठवणींना उजाळा दिला जात आहे. यात २०१६ सालचा एक व्हिडिओ पुन्हा एकदा व्हायरल झालाय. एका सार्वजनिक कार्यक्रमात नाना भाषण करत होते आणि शेजारी बसलेले अजितदादा आपल्याच विचारात मग्न होते. नानांच्या तीक्ष्ण नजरेतून हे सुटलं नाही. त्यांनी भर सभेत दादांची खोड काढली.
'उद्या कोणी मला विचारलं...', गौरव मोरेने का सोडली 'हास्यजत्रा'? पहिल्यांदाच सांगितलं खरं कारण
नाना मिश्किलपणे म्हणाले, "अजित, तुझं लक्ष दुसरीकडे आहे. मी फार महत्त्वाचं बोलतोय. कोण आहे मनामध्ये या क्षणाला सांग. खरं सांग, असा अगदी हरवल्यासारखा का झालास? काही तरी गोंधळ आहे." नानांच्या या गुगलीवर दादा चक्क लाजून लाल झाले होते. नाना पुढे म्हणाले, "अजितच्या गालावर लाली मी पहिल्यांदाच पाहिली. छान! तू लाजलेलाही मला खूप आवडतोस." हे बोलून नाना खळखळून हसले. नानांचा हा विनोद ऐकून उपस्थितांमध्ये हशा पिकला होता, पण आज तो व्हिडिओ पाहून डोळ्यांच्या कडा ओलावतात.
मल्हार पाटेकरची ती भावूक पोस्ट...
नानांचे सुपुत्र मल्हार पाटेकर याने दादांच्या निधनानंतर काही अतिशय दुर्मिळ आणि खाजगी फोटो शेअर केले होते. या फोटोंमध्ये अजितदादा नानांच्या निसर्गरम्य ठिकाणी निवांत बसलेले दिसत आहेत. मल्हारने लिहिलंय, "माननीय अजित दादा पवार साहेबांचे जाणे हे आमच्यासाठी वैयक्तिक नुकसान आहे. ते आमच्यासाठी कुटुंबाचाच एक भाग होते आणि आयुष्यभर राहतील. त्यांच्यासोबतच्या त्या अविस्मरणीय आठवणी आज मनाला चटका लावून जात आहेत. ही कधीही भरून न येणारी पोकळी आहे."