TRENDING:
"लागली पैज" नंतर प्रभात थिएटर्सची दुसरी निर्मिती असलेल्या या व्यावसायिक नाटकाचे नाव "बनवा बनवी" असून नाटकाच्या नावाला देखील एक कल्ट व्हॅल्यू आहे. श्रीमती ज्योती प्रमोद कठापूरकर आणि श्री.निखिल एकनाथ करंडे हे ह्या नाटकाचे निर्माते आहेत तर सौं. प्रियंका हेमंत जोगी या नाटकाच्या सह निर्मात्या असून हर्षद प्रमोद कठापूरकर हे या नाटकाचे कार्यकारी प्रमुख म्हणून काम पाहणार आहेत.
advertisement
( Esha Dey : आधी चहा पाजला, मग नवऱ्यालाच लावलं कामाला; ईशा डेची लग्नानंतर पहिली पोस्ट, PHOTO)
"बनवा बनवी" नाटकाचे लेखन आणि दिग्दर्शन प्रसिद्ध अभिनेता समीर खांडेकर यानं केलं आहे. या नाटकात शंतनू रांगणेकर, ऋषभ मोरे, सुमित चव्हाण, ओंकार कदम, सोनाली गुरव,सिद्धी पोतदार आणि सुधाकर सोनावणे ही सात जणांची गँग धिंगाणा घालण्यासाठी सज्ज झाली आहे.
नाटकाचे नेपथ्य डॉ. सुमित पाटील करणार असून, चारूलता देशपांडे नाटकाच्या वेशभूषेची सांभाळणार आहेत. हे सगळे अतरंगी कलाकार प्रेक्षकांचं मनोरंजन करण्यासाठी एकत्र आले आहेत.
"आम्ही फक्त 2 मिनिटाचे कलाकार नसून पूर्ण वेळ नाटक करण्याची क्षमता आमच्यातदेखील आहे आणि ते सिद्ध करण्यासाठीच आम्ही सगळे जण हे नाटक करत आहोत", अशी भावना शंतनू रांगणेकर याने व्यक्त केली.
या नाटकाचे लेखक, दिग्दर्शक समीर खांडेकर म्हणाले की मी स्वतः मूळ नाटकवालाच आहे आणि त्यात माझं स्वतःच आसोवा नावाचं युट्यूब चॅनल आहे. त्यामुळे नाटकाबरोबर इन्फल्यूएन्सर गँगशी माझं कायम जवळचं नातं राहिलं आहे. त्यांच्यातल्या टॅलेंटला चॅनलाइज करण्यासाठी आणि ह्यांच्यात प्रत्येकात असलेल्या नाटकाचं पॅशन बघून मला हे नाटक लिहावंस वाटलं. शेखर दाते नाटकाचे सूत्रधार म्हणून जबाबदारी सांभाळणार आहेत.