प्राजक्ता माळी नुकतीच 'ये रे ये रे पैसा 3' या मराठी सिनेमाच्या प्रीमियरला पोहोचली होती. प्रीमियरला जाताना प्राजक्ताबरोबर एक किस्सा घडला. प्रीमियरच्या ठिकाणी तिला एक फॅन भेटला. प्राजक्ताची ही फॅन मुमेन्ट सोशल मीडियावर व्हायरल झाली आहे.
advertisement
एक व्हिडीओ समोर आला आहे ज्यात एका चाहत्याला प्राजक्ताबरोबर फोटो हवा आहे. फोटोसाठी तो प्राजक्ताच्या मागून लिफ्टपर्यंत येतो. प्राजक्ता लिफ्टमध्ये जाते. पण हा बाहेरून लिफ्ट थांबवतो. माझा फोटो काढा सांगतो. इतकंच नाही तर प्राजक्ताला थांबवण्यासाठी तो लिफ्टच्या सेन्सरमध्ये उभा राहिला. प्राजक्ताबरोबर फोटो घेतला आणि मगच तिथून बाहेर पडला.
तर दुसरीकडे प्राजक्ताच्या संयमाचं कौतुक होतंय. फोटोसाठी फॅनची सुरू असलेली धडपड प्राजक्ताने समजून घेतली. फॅनने लिफ्ट थांबवताच प्राजक्ता त्याला शांतपणे म्हणाते, समोर बघा, समोर बघा.
प्राजक्ता माळीची ही फॅन मुमेन्ट सध्या सोशल मीडियावर चांगलीच व्हायरल झाली आहे. अनेकांनी त्याच्यावर लाफ्ट इमोजी शेअर करत कमेंट्स केल्या आहेत.
अभिनेत्री प्राजक्ता माळीच्या वर्कफ्रंटबद्दल सांगायचं झाल्यास, प्राजक्ताचा फुलवंती हा सिनेमा रिलीज झाला. या सिनेमा मराठी फिल्म फेअर अवॉर्डही मिळालं. तिचे आणखी काही नवीन प्रोजेक्ट पाइपलाइनमध्ये आहेत.