रामायण बजेट
'रामायण' सिनेमा केवळ कथेच्याच बाबतीत भव्य नाही, तर त्याच्या निर्मिती खर्चानेही सर्व रेकॉर्ड मोडले आहेत. प्राइम फोकस स्टुडिओचे संस्थापक आणि जागतिक सीईओ नमित मल्होत्रा यांनी जेव्हा या चित्रपटाच्या पहिल्या पोस्टरचे अनावरण केले, तेव्हाच त्याच्या भव्यतेची कल्पना आली होती. 600 कोटींच्या 'कल्कि 2898 एडी' किंवा 550 कोटींच्या 'आरआरआर' आणि 'आदिपुरुष' सारख्या चित्रपटांनाही 'रामायण'ने बजेटमध्ये मागे टाकले आहे. सूत्रांनुसार, या चित्रपटाचे बजेट सुमारे 835 कोटी रुपये असल्याचे सांगितले जात आहे. ऑस्कर विजेत्या VFX स्टुडिओ DNEG च्या अत्याधुनिक तंत्रज्ञानाचा वापर करत, हा चित्रपट एक नेत्रदीपक दृश्य नाटक (Visual Spectacle) म्हणून प्रेक्षकांसमोर येणार आहे.
advertisement
एक Blockbuster, 3 सुपरस्टार... 4 वर्षात तिघांचाही मृत्यू! तुम्हाला चित्रपटाचे नाव माहित आहे का?
रामायण कास्ट
या चित्रपटाची सर्वात मोठी ताकद म्हणजे त्याची तगडी स्टारकास्ट, ज्यात बॉलिवूडमधील अनेक दिग्गज कलाकार पौराणिक भूमिकांमध्ये दिसणार आहेत.
रणबीर कपूर - भगवान रामाच्या भूमिकेत, शांत आणि तेजस्वी रूपात.
साई पल्लवी - सीता मातेच्या भूमिकेत, तिच्या सात्विक सौंदर्याने आणि अभिनयाने लक्ष वेधून घेणार.
यश - रावणाच्या भूमिकेत, त्याचा रौद्र अवतार आणि प्रभावी संवाद प्रेक्षकांना खिळवून ठेवणार.
रवी दुबे - लक्ष्मणाच्या भूमिकेत, त्याचा प्रामाणिक आणि समर्पित स्वभाव साकारणार.
सनी देओल - हनुमानाच्या भूमिकेत, त्याच्या दमदार आवाजाने आणि उपस्थितीने हनुमानभक्तांची मने जिंकणार.
याशिवाय, मंदोदरीच्या भूमिकेत काजल अग्रवाल आणि कैकेयीच्या भूमिकेत लारा दत्ता यांसारख्या दिग्गज अभिनेत्रीही दिसणार आहेत, ज्या कथेला अधिक वजन देतील.
दरम्यान, 'रामायण' हा चित्रपट एकाच वेळी प्रदर्शित न होता, दोन भव्य भागांमध्ये प्रेक्षकांच्या भेटीला येणार आहे. दिवाळी 2026 आणि दिवाळी 2027 दरम्यान या चित्रपटाचे दोन्ही भाग प्रदर्शित होतील. नितेश तिवारी यांचा उद्देश मूळ कथेचा आत्मा समकालीन सिनेमॅटिक भाषेसोबत मिसळून, नव्या पिढीला आणि जगभरातील प्रेक्षकांना रामायणाच्या अलौकिक गाथेची पुन्हा एकदा नव्याने ओळख करून देणे हा आहे.