'ते एक टक्काही गेमसाठी नव्हतं', Bigg Boss मधून जाता जाता रुचिताने अखेर तिचा खरा चेहरा दाखवला

एलिमिनेशननंतर घरातून बाहेर पडताना रुचिता खूपच भावूक झालेली दिसली. तिने दिपालीच्या पाया पडून तिची माफी मागितली. त्यानंतर तिने तिला मिठी मारून रडायला सुरुवात केली. हा क्षण पाहून घरातील इतर सदस्यही भावूक झाले.

रुचिताने घरातून जाताना सर्व स्पर्धकांची माफी मागितली. ती रडत रडत म्हणाली, "मला सगळ्यांना सॉरी म्हणायचं आहे. तन्वी तुलापण सॉरी. मी जे काही बोलले त्यातलं एक टक्काही गेमसाठी नव्हतं. मी अशीच आहे. चुकीची तर चुकीची."

advertisement

बिग बॉसच्या घरातून बाहेर पडताना रुचिताने व्यक्त केलेल्या भावना प्रेक्षकांच्या चर्चेचा विषय ठरत आहेत. तिच्या या निरोपानंतर घरातील पुढील घडामोडी कशा घडतात, याकडे आता सगळ्यांचं लक्ष लागलं आहे.

बिग बॉसच्या घरातील समीकरण प्रत्येक आठवड्याला बदलतात. या आठवड्यातही घरातील सदस्यांबरोबर प्रेक्षकांनाही मोठा धक्का मिळला. रुचिता जामदार बिग बॉसमधून आऊट झाली. तिच्या एलिमिनेशननंतर घरातील स्पर्धक विशाल पूर्णपणे कोसळल्याचं पाहायला मिळालं. रुचिता बिग बॉसमधून बाहेर पडणत असताना विशालला आपले अश्रू आवरू शकला नाही. रुचिताला निरोप देताना तो तिला घट्ट मिठी मारून रडताना दिसला.