Zareen Khan : आधी मांजरीचा मृत्यू, नंतर अभिनेत्रीच्या आईचाही गेला जीव; सलमान खानच्या हिरोईनवर दु:खाचा डोंगर

अभिनेत्रीच्या पाळीव मांजरीचा 7 एप्रिल रोजी मृत्यू झाला. तिच्या मृत्यूची बातमी तिने स्वत: सोशल मीडियावर पोस्ट केली होती. त्याच्या दुसऱ्याच दिवशी 8 एप्रिलला अभिनेत्रीच्या आईचाही मृत्यू झाला आहे.

advertisement

सलमानची ही अभिनेत्री आहे झरीन खान. जिच्या करिअरची सुरुवात 'फिर से रीस्टार्ट' या शॉर्टफिल्ममधून  झाली. त्यानंतर 2010 साली तिने वीर या फिल्मधून सलमान खानसोबत मुख्य अभिनेत्री म्हणून पदार्पण केलं.

त्यानंतर तिने हाऊसफुल्ल 2, हेट स्टोरी 3 यासारख्या बॉलिवूड फिल्ममध्ये काम केलं. 2021 साली हम भी अकेले तुम भी अकेले फिल्ममध्ये ती शेवटची दिसली.

झरीन खान कतरिना कैफसारखी दिसते, तिला कतरिनाची डुप्लिकेट म्हटलं गेलं. तिने हिंदीशिवाय पंजाबी, तामिळ आणि तेलुगु फिल्ममध्येही काम केलं आहे.

झरीन खानची आई परवीन खानचं निधन झालं आहे. ती बऱ्याच कालावधीपासून आजारी होती. झरीन गेल्या काही काळापासून सोशल मीडियावर तिच्या आईच्या प्रकृतीची माहिती देत होती आणि ती लवकरात लवकर बरी व्हावी यासाठी प्रार्थना करा, असं आवाहन चाहत्यांना करत होती.

बुधवारी मुंबईत त्यांचं निधन झालं. झरीनच्या टीमने इन्स्टाग्रामवर एका निवेदनाद्वारे ही दुःखद बातमी दिली. झरीनच्या टिमने निवेदनात म्हटलं आहे की, अभिनेत्री झरीन खान आणि सना खान यांच्या आई परवीन खान यांचं 8 एप्रिल रोजी निधन झालं आहे.