अभिनेत्री शिल्पा शेट्टीनं सोशल मीडियावर पोस्ट शेअर करत 'मु्ख्यमंत्री लाडकी बहीण योजने'चं कौतुक केलं आहे. राज्य सरकारचा निर्णय हा राज्यातील महिलांना दिलासा देणारे असल्याचे शिल्पा शेट्टीने म्हटले आहे. शिल्पा शेट्टीनं आपल्या ट्वीटमध्ये म्हटलं की, 'मुख्यमंत्री लाडकी बहीण योजना यशस्वी होताना पाहणं हे अविश्वसनीय आहे.'
advertisement
ती पुढे म्हणाली, 'महाराष्ट्रातील 1.5 कोटींहून अधिक महिलांना या योजनेमुळे आता दर महिन्याला मोठा आधार मिळणार आहे. अनेक महिलांनी या योजनेचा लाभ घेण्यास सुरुवात केली आहे हे आनंददायक आहे. महाराष्ट्रातील महिला सक्षमीकरणाच्या दिशेने ही एक मोठी झेप आहे. या उपक्रमाबद्दल राज्य सरकारचं अभिनंदन!' असं मत शिल्पाने व्यक्त केलं आहे.
आतापर्यंत लाखो महिलांच्या बँक खात्यात जुलै आणि ऑगस्ट महिन्याचे 3000 रुपये जमा करण्यात आले आहेत. जास्तीत जास्त महिलांना या योजनेचा लाभ मिळावा म्हणून आतापर्यंत सरकारने या योजनेच्या नियमांत अनेक बदल केले आहेत. दरम्यान, नुकतेच सरकारने या योजनेच्या नियमात अनेक महत्वाचे बदल केले आहेत. यातील एका प्रमुख बदलाचा राज्यातील लाखो महिलांना फायदा होणार आहे.