TRENDING:
रितेश भाऊंनी घरातील साचलेला राग बाहेर काढण्यासाठी एक 'पंचिंग बॅग' टास्क दिला होता. ज्याचा राग येतोय, त्याचा फोटो लावून मनातील भडास काढायची होती. मात्र, तन्वीने जेव्हा आयुषचा फोटो लावला, तेव्हाच अनेकांच्या भुवया उंचावल्या. तन्वी चिडून म्हणाली, "मी याला हजारवेळा सांगितलं की मला यात बेस्ट फ्रेंड दिसतोय, पण हा समजतच नाही. मी रडत असताना मला तुझा हात माझ्या खांद्यावर हवा असतो. तू माझ्या बाजूला हवा असतो. पण तू तेव्हा मला स्पेस देत असल्याचं सांगत दूर होतोस."
advertisement
आयुषनेही तिथेच तिला उत्तर दिलं, "मला तुझं बोलणं पटतंय, पण मी तुझ्या अपेक्षा पूर्ण करू शकत नाही, हे मी आधीच सांगितलंय." हे ऐकताच तन्वीचा संयम सुटला. ती वेड्यासारखी पंचिंग बॅगवर तुटून पडली. तिला दुखापत होऊ नये म्हणून आयुष तिला थांबवायला गेला आणि तिथेच नको ते घडलं. संतापलेल्या तन्वीने आयुषलाच जोरात मारायला सुरूवात केली. भर सेटवर झालेली ही शारीरिक हिंसा पाहून रितेश भाऊ सुद्धा काही क्षण शॉक झाले.
रितेश भाऊंची शांतता आणि प्रेक्षकांचा संताप
सगळ्यांना वाटलं होतं की तन्वी आता कडक शब्दात ओरडलं जाईल. पण रितेशने अत्यंत संयमी भूमिका घेत केवळ एका वाक्यात विषय संपवला. "तुमचं हे जे काही आहे, ते घराच्या आत सोडवा," असं म्हणत त्यांनी पुढच्या स्पर्धकाकडे मोर्चा वळवला. मात्र, सोशल मीडियावर तन्वीवर टीकेची झोड उठली आहे. "ही मैत्री नाही, तर तन्वीचा आयुषवरचा अतिरेकी हक्क आहे," अशा कमेंट्सचा पूर आला आहे.
ओमकार राऊतचा पत्ता कट; थोडक्यात वाचला आयुष
या 'धक्क्या'वर केवळ राडाच झाला नाही, तर घराला एक मोठा धक्काही बसला. या आठवड्यात डबल एलिमिनेशन झालं. शुक्रवारी दिव्या शिंदेला बाहेरचा रस्ता दाखवल्यानंतर, रविवारी ओमकार राऊतची एक्झिट झाली आहे. डेंजर झोनमध्ये आयुष आणि ओमकार समोरासमोर होते, पण प्रेक्षकांच्या कमी मतांमुळे ओमकारचा प्रवास संपला. गंमत म्हणजे, ज्या आयुषला तन्वीने काही वेळापूर्वी मारलं होतं, तो सेफ झाल्याचं कळताच तिने त्याला मिठी मारून ढसाढसा रडायला सुरुवात केली. तन्वीचं हे 'प्रेम' आहे की 'वेड', यावरून प्रेक्षकांच्या मनात प्रश्न निर्माण झाले आहेत.