TRENDING:
विजय कृष्णा हे केवळ एक नाव नसून ते अभिनयाची एक शाळा होते. संजय लीला भंसाली यांच्या 'देवदास' चित्रपटात त्यांनी शाहरुख खानच्या वडिलांची, म्हणजेच 'नारायण मुखर्जी' यांची अविस्मरणीय भूमिका साकारली होती. याशिवाय 'गुजारिश', 'पीके' आणि जागतिक स्तरावर गाजलेल्या 'गांधी' चित्रपटात त्यांनी आपल्या अभिनयाचा ठसा उमटवला. लिलेट दुबे यांच्या 'डान्स लाईक अ मॅन' या नाटकात त्यांनी सलग २५ वर्षांहून अधिक काळ भूमिका साकारली. हे नाटक भारतीय रंगभूमीवरील सर्वात यशस्वी नाटकांपैकी एक मानले जाते.
advertisement
कॉर्पोरेट विश्वातही मोठे नाव
विजय कृष्णा हे केवळ अभिनयातच निपुण नव्हते, तर कॉर्पोरेट विश्वातही त्यांचे मोठे नाव होते. ते 'गोदरेज' समूहाचे कार्यकारी संचालक म्हणून दीर्घकाळ कार्यरत होते. २०२१ मध्ये वयोमानामुळे त्यांनी या पदावरून निवृत्ती स्वीकारली होती. त्यांची पत्नी स्मिता गोदरेज कृष्णा या प्रसिद्ध उद्योजिका आहेत, तर मुलगी नायरिका होळकर या देखील उद्योग क्षेत्रात सक्रिय आहेत. कला आणि व्यापार या दोन भिन्न टोकांच्या जगाला त्यांनी अतिशय सुसंस्कृतपणे हाताळले होते.
विजय कृष्णा यांच्या जाण्याने त्यांच्या सहकाऱ्यांना मोठा धक्का बसला आहे. अभिनेत्री लिलेट दुबे यांनी इन्स्टाग्रामवर एक भावूक पोस्ट शेअर करत आपल्या भावनांना वाट मोकळी करून दिली. त्यांनी लिहिले, "आमच्या रंगभूमी कुटुंबाचा एक अविभाज्य भाग आणि २५ वर्षांहून अधिक काळ 'डान्स लाईक अ मॅन' असलेले आमचे लाडके विजय कृष्णा आता आपल्यात नाहीत. ते केवळ एक उत्तम अभिनेतेच नव्हते, तर अतिशय हजरजबाबी आणि देखणे व्यक्तिमत्व होते. त्यांच्या आठवणींनी आज मन भरून आलंय."
या पोस्टवर अनुपम खेर, सबा पतौडी आणि जुही सोनी यांसारख्या कलाकारांनी कमेंट करत त्यांना श्रद्धांजली वाहिली आहे.