TRENDING:
माझी रश्मिका... तुमची लाडकी सून!
हैदराबादमध्ये आयोजित एका भव्य प्रेस मीटमध्ये विजय आणि रश्मिकाने मीडियाचे आभार मानले. पिवळ्या रंगाच्या कुर्त्यात विजय अगदी देसी मुंडा दिसत होता, तर गुलाबी साडी, गळ्यात मंगळसूत्र आणि कपाळी कुंकू नववधूच्या रुपात शोभून दिसत होती. यावेळी बोलताना विजय भावूक झाला.
advertisement
तो म्हणाला, "तुम्ही मला लहानपणापासून पाहिलंय, माझं करिअर घडताना पाहिलंय. आजही जेव्हा मी माझ्या आयुष्याची नवीन सुरुवात करतोय, तेव्हा तुम्ही माझ्यासोबत आहात. आज तेलगू राज्यांना (आंध्र आणि तेलंगणा) एक नवी सून मिळाली आहे. आता तिची काळजी घेण्याची जबाबदारी तुमची आहे!" विजयचं हे वाक्य ऐकताच शेजारी उभी असलेली रश्मिका लाजेने अक्षरशः लालबूंद झाली. तिने हसून विजयकडे पाहिलं आणि हा गोड क्षण कॅमेऱ्यात कैद झाला.
विजय-रश्मिकाची चाहत्यांसोबत लंच डेट
केवळ मीडियाच नाही, तर आपल्या लाडक्या चाहत्यांसाठीही या जोडीने खास वेळ काढला होता. लग्नानंतरच्या पहिल्या सार्वजनिक भेटीत विजय आणि रश्मिकाने चाहत्यांसोबत एकत्र बसून दुपारचं जेवण केलं. यावेळी एक व्हिडिओ तुफान व्हायरल होत आहे, ज्यात रश्मिका स्वतःच्या हाताने विजयला घास भरवताना दिसत आहे. हे पाहून उपस्थित चाहत्यांनी एकच जल्लोष केला. रश्मिका म्हणाली, "आम्ही आमच्या आयुष्यातील सर्वात मोठं पाऊल उचललं आहे, तुमच्या सर्वांच्या आशीर्वादाची आम्हाला गरज आहे."
'गीता गोविंदम' ते 'मिसेस देवरकोंडा' पर्यंतचा प्रवास
२०१८ मध्ये 'गीता गोविंदम'च्या सेटवर या दोघांची पहिली भेट झाली होती. तेव्हापासूनच त्यांच्या केमिस्ट्रीची चर्चा रंगली होती. 'डिअर कॉम्रेड'मध्ये ही जोडी पुन्हा दिसली आणि खऱ्या आयुष्यातही त्यांच्या प्रेमाचे अंकुर फुटले. गेली अनेक वर्ष त्यांनी आपलं नातं गुपित ठेवलं होतं, पण अखेर २६ फेब्रुवारी २०२६ रोजी उदयपूरमध्ये मोजक्या मंडळींच्या उपस्थितीत त्यांनी सात फेरे घेतले.