KDMC News: कल्याण-डोंबिवलीत चाललंय काय? नळाला येतंय चक्क गटारीचं पाणी, अशी होणार का स्मार्टसिटी?

कल्याण पूर्वेतील अनेक जुन्या चाळींमधील नागरिकांना अजूनही पिण्याच्या पाण्याची पाईपलाईन गटारीतून येते. त्यामुळे त्यांना पिण्याचेच पाणी खराब आणि दूषित मिळतंय.

कल्याण पूर्वेतील नागरिकांना पिण्याचे पाणी ही व्यवस्थित प्यायला मिळत नाहीये. कल्याण पूर्वेतील अनेक जुन्या चाळींमधील नागरिकांना अजूनही पिण्याच्या पाण्याची पाईपलाईन गटारीतून येते. त्यामुळे त्यांना पिण्याचेच पाणी खराब आणि दूषित मिळतंय. यामुळे कल्याण पूर्वेतील अनेक वृद्ध आणि लहान मुलं आजारी पडले आहेत. परंतु आता कल्याण पूर्वेतील काही स्थानिक नेत्यांनी थेट केडीएमसी आयुक्तांना स्मरणपत्र देत जर पुढच्या सहा महिन्यांत पाण्याची समस्या नाही सोडवली तर, आंदोलनाचाच इशारा दिला आहे.

KDMC News: कल्याण-डोंबिवलीत चाललंय काय? नळाला येतंय चक्क गटारीचं पाणी, अशी होणार का स्मार्टसिटी?

कल्याण पूर्वेतील अनेक परिसरांमधील नागरिकांना पिण्याचे पाणी दूषित मिळत आहे. कोळसेवाडी, आनंदवाडी, काटेमानिवली, मंगल राघो नगर, कर्पेवाडी आणि चिकनीपाडा या परिसरातील नागरिकांना गेल्या अनेक महिन्यापासून पाण्याची समस्या आहे. या भागातील नागरिकांना प्यायचे पाणी गटारीत असलेल्या जुन्या आणि गंजलेल्या पाईपलाईनमधू येत असल्याची स्थिती आहे. या पाण्यामुळे कल्याण पूर्वेतील ज्येष्ठांना आणि लहान मुलांना गेल्या तीन महिन्यांमध्ये अनेक आजारांना सामोरं जावं लागलं आहे.

टॉप व्हिडीओज

सर्व पहा

मैत्रिणींची कमाल! नोकरीला फाटा देत उभारला सँडविच व्यवसाय, महिन्याची कमाई तर पाहा

सर्व पहा

या गंभीर मुद्द्यावर कल्याण पूर्वेतील स्थानिक नेत्यांनी तीव्र आक्षेप घेत केडीएमसी आयुक्तांना स्मरणपत्र दिले आहे. सहा महिन्यांत ही समस्या न सोडवल्यास संविधानिक मार्गाने तीव्र आंदोलन छेडण्याचा इशाराही त्यांनी दिला. अनेक वर्षांत वारंवार तक्रारी, आंदोलने केली; पण पालिकेने तात्पुरती दुरुस्ती सोडली तर काहीच केले नसल्याचा आरोप नेत्यांनी केला आहे. विशेषत: नागरिकांना या समस्येला पावसाळ्यामध्ये सामोरं जावं लागतं.