TRENDING:
दत्तात्रय गाडगे यांनी 2018 साली साडेआठ एकर क्षेत्रात आंब्याची लागवड करण्याचा निर्णय घेतला. सुरुवातीला हा प्रयोग धाडसी वाटत असला तरी त्यांनी नियोजनबद्ध पद्धतीने बाग उभी केली. आज त्यांच्या आमराईत सुमारे 11 हजार आंब्याची झाडे आहेत. विशेष म्हणजे या बागेत केशर, लंगडा, जम्बो केशर, नीलम, रत्ना यांसह तब्बल 43 विविध जातींचे आंबे आहेत.
advertisement
गाडगे यांच्या शेतीमुळे अरण गावात जणू ‘कोकण’च तयार झाल्याचे चित्र पाहायला मिळते. या आमराईतील प्रत्येक झाडापासून सरासरी 100 किलोपर्यंत आंब्याचे उत्पादन मिळते. विविध जातींची लागवड केल्यामुळे बाजारपेठेतही या आंब्यांना चांगली मागणी मिळते. त्यामुळे उत्पादनासोबतच उत्पन्नातही मोठी वाढ झाली आहे.
शरद मँगो आंब्याचा नवा वाण
विशेष म्हणजे दत्तात्रय गाडगे हे त्यांच्या बागेत कोणत्याही प्रकारची रासायनिक खते वापरत नाहीत. ते सेंद्रिय खतांसह होमिओपॅथी औषधांचा वापर करून आंब्यांची निगा राखतात. त्यामुळे उत्पादनाची गुणवत्ता टिकून राहते. याशिवाय त्यांनी स्वतः विकसित केलेला ‘शरद मॅंगो’ हा आंब्याचा नवीन वाण देखील तयार केला आहे. माजी केंद्रीय मंत्री शरद पवार यांच्या नावावरून या वाणाला शरद मॅंगो असे नाव देण्यात आले असून या वाणाचे पेटंटही त्यांना मिळाले आहे. नव्या प्रयोगांच्या जोरावर गाडगे यांनी शेतीतून मोठे आर्थिक यश मिळवत इतर शेतकऱ्यांसाठी प्रेरणादायी उदाहरण निर्माण केले आहे.