शिक्षण फक्त बारावी! पण लातूरचं पोरगं भल्याभाल्यांना पडलंय भारी, जे कुणाला जमलं नाही त्या व्यवसायातून करतोय लाखोंची कमाई

लातूर : भारतातील विविध राज्यांच्या नैसर्गिक वैशिष्ट्यांचा गोड संगम एका बाटलीत बंद करून ग्राहकांपर्यंत पोहोचवण्याचा अनोखा प्रयोग लातूर जिल्ह्यातील एका तरुणाने यशस्वीपणे साकारला आहे. पंजाबच्या मोहरीचा सुवास, काश्मीर-हिमाचलच्या खोऱ्यातील जंगली मधाची चव, झारखंडच्या तुळशीचे औषधी गुण, गुजरातच्या ओवा-बडीशेपचा पाचक सुगंध आणि मध्य प्रदेशातील धन्यांचा थंडावा अशा विविध नैसर्गिक घटकांचा संगम असलेला मध तयार करून परमेश्वर हुरदळे या तरुणाने स्वतःचा वेगळा व्यवसाय उभा केला आहे. आज त्याचा हा उपक्रम कोट्यवधींची उलाढाल करणारा यशस्वी स्टार्टअप ठरला असून लवकरच हा मध परदेशी बाजारातही पोहोचवण्याची तयारी सुरू आहे.