Shocking : सुरक्षिततेची चिंता पित्याला नडली! छेडछाड करणाऱ्याची माहिती न दिल्याने मुलीनं...;ठाण्यातील घटना

मिळालेल्या माहितीनुसार, ठाणे शहरातील रुपादेवी पाडा परिसरातील ही घटना आहे. या परिसरात राहणारी 15 वर्षीय मुलगी ही 10 मार्च रोजी रात्री काही काम असल्याचे सांगून बाहेर पडली. पण बरेच तास उलटूनही ती घरी परतली नाही,त्यामुळे घरच्यांची तिंचा वाढू लागली. सुरुवातीस मुलगीचा पत्ता न लागल्याने तिच्या कुटुंबियांनी परिसरात शोधाशोध सुरु केली.

परिसरात पाहून झाल्यानंतर तिच्या जवळच्या मित्र-मैत्रिणींच्या घरी शिवाय काही जवळच्या नातेवाइकांकडे चौकशी केली. पण सर्व प्रयत्न करुनही तिचा तपास कुठे लागला नसल्याने कुटुंबियांची चिंता अधिक वाढली. शेवटी जाऊन त्यांनी श्रीनगर पोलिस ठाण्यात मुलीच्या अपहरणाची तक्रार दाखल केली.

गेल्या काही दिवसांपूर्वी छेडछाड करणाऱ्या तरुणाविरोधात तक्रार करण्यासाठी मुलीचे वडील तिला सांगत होते. त्यातून वडिलांनी तिला ओरडल्याने तिच्या मनात राग भरला होता,या सर्व कारणांमुळे तिने घर सोडून मैत्रिणीकडे राहण्याचा निर्णय घेतला, असे पोलिस तपासात समोर आले.