TRENDING:
डोंबिवली एमआयडीसीतील निवासी भागात मिलापनगरमधील गणेश विसर्जन तलाव रस्त्यावर ग्रीन्स स्कूल, श्रीराम वरदायिनी सोसायटीजवळ हे काम सुरू आहे. हा रस्ता गेल्या चार दिवसांपासून वाहतुकीसाठी आणि पादचाऱ्यांसाठी बंद ठेवण्यात आला आहे. तसेच पुढचे काही दिवस रस्ता बंदच राहणार आहे.
फक्त 5 रुपयांसाठी महिलेला स्वच्छतागृहावर अडवलं, कपड्यातच.., बदलापूर स्थानकावरील संतापजनक घटना
advertisement
डोंबिवलीतील या भागात रस्ते कोणतेही नियोजन न करता घाईत बनवण्यात आले. त्यामुळे आता गटार, नाले, विद्युत आणि जलवाहिन्यांसाठी रस्ता फोडण्याचे काम सातत्याने सुरू असते. त्याचा फटका नागरिकांना आणि वाहनधारकांना बसत आहे. पावसाळ्यात देखील येथील रहिवाशांना कसरत करावी लागेल.
दरम्यान, आतापर्यंत विद्युत आणि जलवाहिन्या टाकण्यासाठी जास्तीत जास्त दोन फुटांचा छेद मारून काँक्रीट रस्ता फोडला जायचा. मात्र, आता या ठिकाणी खड्डा केला आहे. त्यामुळे नागरिकांना मोठा वळसा घालून जावे लागते. तर काही विद्यार्थी, पालक आणि नागरिक वेळ वाचवण्यासाठी फोडलेल्या रस्त्यातूनच कसरत करत चालत जातात.
सध्या होळी, रंगपंचमी, शिवजयंती आणि आगामी गुढीपाडवा अशा सण आणि उत्सवांचा काळ आहे. त्यातच दहावी आणि बारावीच्या परीक्षा सुरू आहेत. त्यामुळे प्रशासनाने नाल्याचे काम करताना या बाबींचा विचार करून निर्णय घेणे गरजेचे होते, असे स्थानिकांनी म्हटले आहे.