फक्त 5 रुपयांसाठी महिलेला स्वच्छतागृहावर अडवलं, कपड्यातच.., बदलापूर स्थानकावरील संतापजनक घटना

मुंबई आणि उपनगरांमध्ये महिलांना स्वच्छतागृहांसाठी कायम झगडावं लागत आहे. एकीकडे मेट्रो आणि मोनो रेल धावत आहे, पण अजूनही लोकल स्टेशनवर नीट स्वच्छतागृहांची सोय नाही.  बदलापूर रेल्वे स्थानकावर ही घटना घडली आहे. प्लॅटफॉर्म क्रमांक ३ वर स्वच्छतागृह आहे. एक प्रवासी महिला स्वच्छतागृहात गेली होती. पण, या महिलेकडे ५०० रुपये होते, त्यामुळे सुट्टे ५ रुपये देण्याची अडचण निर्माण झाली. या महिलेनं विनंती केली, पण या महिलेला पुढे जाऊ दिलं नाही. त्यामुळे या महिलेला कपड्यात लघुशंका झाली, स्वच्छतागृहावर असलेल्या कर्मचाऱ्यांनी या महिलेला अडवून ठेवण्यात आल्याचा आरोप करण्यात आला आहे.

स्वच्छतागृहाच्या कर्मचाऱ्यांवर गुन्हा दाखल केला जाणार आहे. धक्कादायक म्हणजे, या स्वच्छतागृहामध्ये  ५ रुपये हे बेकाायदेशीर पद्धतीने मागितले जात असल्याचंही समोर आलं आहे. त्याामुळे स्वच्छतागृह चालवणारी महिला प्रवाशांकडून पैसे का स्विकारत होते, हे मात्र अद्याप समोर येऊ शकलं नाही. या घटनेमुळे प्रवाशी संघटनेनं तीव्र संताप व्यक्त केला आहे.