विरारच्या अमूल दूध कंपनीमध्ये गॅस गळती, 5 कामगार गंभीर जखमी

विरार पूर्वेच्या कनेर फाटा येथील अमूल दूध कंपनीत अमोनिया गॅसची गळती झाल्याची घटना घडली आहे .

या दुर्घटनेत पाच कामगार गंभीर जखमी झाले असून त्यांच्यावर पेल्हार येथील गॅलेक्सी या खासगी रुग्णालयात उपचार सुरू आहेत.

मेंटेनन्सच्या कामादरम्यान अमोनिया गॅसची गळती झाल्याची प्राथमिक माहिती मिळते आहे.

घटनेची माहिती मिळताच मांडवी पोलीस आणि अग्निशमन दलाचे जवान तातडीने घटनास्थळी दाखल झाले आहे.

सध्या परिस्थिती नियंत्रणात असल्याची माहिती मांडवी पोलीस ठाण्याचे वरिष्ठ पोलीस निरीक्षक रणजीत आंधळे यांनी दिली आहे.