Weather Alert : महाराष्ट्रात पहिल्यांदाच असं होणार, उष्णतेची येतेय लाट, या जिल्ह्यांना अलर्ट

महाराष्ट्रात उष्ण आणि कोरडे हवामान 4 मार्च रोजी कायम राहील. राज्यात कमाल तापमानात हळूहळू 2-3 अंश सेल्सिअसने वाढ होत असून, पुढील 4 दिवस ही वाढ पाहायला मिळेल. उकाडा आणि उष्णतेच्या लाटेचा धोका वाढत असल्यामुळे नागरिकांनी योग्य ती काळजी घ्यावी.

कोकणातील मुंबई, ठाणे, पालघर, रायगड, रत्नागिरी आणि सिंधुदुर्गमध्ये कमाल तापमान 33 ते 37 अंश सेल्सिअस राहील. काही ठिकाणी 37 अंशांपेक्षा जास्त राहण्याची शक्यता आहे. किमान तापमान 23-25 अंश सेल्सिअस राहील. मुंबई, ठाणे, पालघर आणि रायगड जिल्ह्याला उष्णतेचा यलो अलर्ट असेल.

पश्चिम महाराष्ट्रातील पुणे, सातारा, सांगली, कोल्हापूर, सोलापूर भागात कमाल तापमान 34-38 अंश सेल्सिअस राहील. किमान 20-24 अंश सेल्सिअस राहील. कोरडे आणि उष्ण हवामान राहील. रात्रीचे तापमान सामान्यपेक्षा जास्त राहील. उकाडा जाणवेल, पण कोकणा इतका दमट नाही.

उत्तर महाराष्ट्रातील नाशिक, धुळे, जळगाव, नंदुरबारमध्ये कमाल 35-39 अंश राहील. किमान 20-23 अंश राहील. कोरड्या वाऱ्यांसह उष्णता वाढेल.

मराठवाड्यातील छत्रपती संभाजीनगर, जालना, परभणी, हिंगोली, बीड, लातूर, नांदेडमध्ये कमाल तापमान 36-40 अंश राहील. किमान 21-24 अंश राहील. उष्ण आणि कोरडे हवामान राहील.

विदर्भातील नागपूर, अमरावती, अकोला, यवतमाळ, चंद्रपूर, गडचिरोलीमध्ये कमाल 37-41 अंश राहील. किमान 22-25 अंश राहील. उष्णतेच्या लाटेचा प्रभाव जास्त राहण्याची शक्यता आहे.

महाराष्ट्रात 4 मार्च रोजी उष्णता जाणवेल. त्यामुळे उष्माघात, डिहायड्रेशन टाळण्यासाठी पाणी भरपूर प्या, थेट सूर्य टाळा, दुपारी 12-4 वाजेपर्यंत बाहेर जातानी काळजी घ्या. शेतकरी, मजूर आणि पर्यटकांनी सावध राहावे.