सदाबहार गाणी अन् गौतमीचा डान्स! ठाण्यात जितेंद्र आव्हाडांनी साजरी केली हटके होळी, VIDEO

ठाणे : आज संपूर्ण देशात रंगांची उधळण होत असताना, ठाण्यातील कळवा परिसर मात्र एका वेगळ्याच ऊर्जेने रंगात न्हाऊन निघाला होता. निमित्त होतं नगरसेवक अभिजीत पवार यांनी आयोजित केलेल्या 'रंग दे कळवा' या धडाकेबाज होळी कार्यक्रमाचं. या कार्यक्रमाचं मुख्य आकर्षण ठरली ती म्हणजे अवघ्या महाराष्ट्राला आपल्या तालावर नाचवणारी नृत्यांगना गौतमी पाटील. गौतमी येणार म्हटल्यावर कळव्याच्या रस्त्यांवर चाहत्यांनी सकाळपासूनच गर्दी केली होती, आणि गौतमीनेही आपल्या खास नृत्याविष्काराने या होळीच्या उत्सवात अक्षरशः चार चाँद लावले.