TRENDING:
आईच्या दुर्लक्षामुळे एका सुखी कुटुंबाचा अंत
मिळालेल्या माहितीनुसार, कल्याणमधील गांधारी येथील रिंग रोडवर 24 मार्च रोजी रात्री 8 वाजेच्या सुमारास ही घटना घडली. या अपघातात श्रीनिवास तांदळे यांचा मृत्यू झाला असून संपूर्ण अपघाताची घटना सीसीटीव्हीमध्ये कैद झाली आहे.
advertisement
गेल्या काही दिवसांपासून रस्त्यावर असलेले बॅरिकेट हटवल्यामुळं चंदोली परिसरातील रिंग रोड हा अपघातासाठी हॉटस्पॉटचा भाग ठरत आहे. या परिसरात दररोज मॉर्निंग वॉक, जॉगिंग आणि सायकलिंगसाठी येणाऱ्या नागरिकांना आता येथं फिरायला देखील भीती वाटत आहे. या ठिकाणी अल्पवयीन मुलं आपली वाहन जोरात चालवतात. मात्र वाहतूक पोलीस नसल्यानं येथं कारवाई होत नाही त्यामुळे अपघाताचं प्रमाण या ठिकाणी वाढलं आहे. आता याच प्रयत्य पुन्हा एकदा या घटनेमुळं आला आहे.
आईविरोद्धात गुन्हा दाखल
या अपघातानंतर अल्पवयीन मुलाच्या आईविरोधात देखील गुन्हा दाखल करण्यात आला असून कामिनी योगेश पांडे अस या महिलेचं नाव आहे. या प्रकरणात पोलिसांनी कार जप्त केली असून अल्पवयीन मुलालाही ताब्यात घेतल्याची माहिती समोर आलेली आहे. आईवर कारवाई करण्यात आलेली आहे कारण अनेक पालक अल्पवयीन मुलांना सहज वाहन चालवण्यासाठी देतात. त्यामुळे याबाबत गांभीर्य दाखवत नाहीत, त्यामुळे लोकांचा जीव धोक्यात येतो.