एका नवीन अभ्यासात शास्त्रज्ञांना असं आढळून आलं आहे की चहा अचानक हृदयविकाराचा झटका आणि स्ट्रोकचा धोका कमी करू शकतो. संशोधकांनी अभ्यासात 881 महिलांचा समावेश केला. या महिलांचे सरासरी वय 80 वर्षे होते. त्यांच्या हृदयाची तपासणी केली असता, त्या खूप निरोगी असल्याचं आढळून आले. त्यांच्या मागील आहाराचे विश्लेषण केलं असता, असं आढळून आले की या महिला नियमितपणे दररोज एक कप चहा पित होत्या.
advertisement
Heart Attack : काही दुखलं की घेताय औषधं, येऊ शकतो हार्ट अटॅक
संशोधकांनी सांगितलं की, चहामध्ये असलेले फ्लेव्होनॉइड संयुगे हृदयाच्या महाधमनीत कॅल्शियम जमा होण्याचा धोका कमी करतात. हृदयाशी जोडलेली महाधमनी ही शरीराची मुख्य धमनी आहे. तिच्या भिंतींमध्ये कॅल्शियम जमा होऊ लागतं ज्यामुळे ती कडक होते. जेव्हा तिची भिंत कडक होते तेव्हा त्यातील रक्तप्रवाह कमी होऊ लागतो. दुसरीकडे, भिंत कडक झाल्यामुळे ती फुटण्याची शक्यता देखील वाढते. परंतु चहाच्या कपमध्ये असलेले फ्लेव्होनॉइड महाधमनी कडक होण्यापासून रोखते. ते रक्तातील कॅल्सिफिकेशनचं प्रमाणदेखील नियंत्रित करतं. जेणेकरून शुद्ध ऑक्सिजन कोणत्याही अडथळ्याशिवाय हृदयापर्यंत पोहोचतं. या एका कप चहामुळे हृदय मजबूत राहतं.
पण जर तुम्हाला वाटत असेल की तुम्ही पित असलेल्या चहामुळे हृदयविकाराचा धोका कमी होईल, तर तसं होणार नाही. हृदयविकाराचा धोका कमी करण्यासाठी तुम्हाला काळा चहा पिण्याची गरज आहे. या चहामध्ये दूध आणि साखरही घालायची नाही. असा चहा तुम्हाला दररोज एक कप प्यायचा आहे. यामुळे केवळ हृदयच नाही तर इतर अनेक आजारांचा धोका कमी होईल.
Heart Attack : हार्ट अटॅक आल्यानंतर छातीवर किती वेळा दाब द्यावा, CPR देण्याचे नियम काय?
आता जे लोक ब्लॅक टी पीत नाहीत ते फ्लेव्होनॉइड्सच्या इतर स्रोतांचं सेवन करून हृदयविकाराचा धोका कमी करू शकतात. ब्लॅकबेरी, लिंबूवर्गीय फळे, डार्क चॉकलेट, द्राक्षं, सफरचंद आणि काही हिरव्या भाज्यांमध्ये देखील फ्लेव्होनॉइड्स आढळतात. त्यामुळे या गोष्टींचं सेवन करून शरीरात फ्लेव्होनॉइड्सचे प्रमाण वाढवता येतं.
(सूचना : हा लेख सर्वसामान्य माहितीवर आधारित आहे. अवलंब करण्यापूर्वी तज्ज्ञांचा सल्ला जरूर घ्यावा.)