डोकेदुखीनंतर हृदयविकाराचा झटका
ही घटना गुरुवारी सकाळी सुमारे 8:30 वाजता घडली. साई टाॅयलेटमधून परतल्यानंतर त्याला डोकेदुखीचा त्रास होऊ लागला. आई-वडिलांना वाटलं की ही सामान्य डोकेदुखी आहे, म्हणून त्यांनी त्याच्या डोक्याला तेल लावून आराम करायला सांगितलं. पण थोड्याच वेळात वेदना असह्य झाल्या. चिंतेत पडलेल्या कुटुंबियांनी तात्काळ त्याला बारिडीहा येथील मर्सी हॉस्पिटलमध्ये नेलं. तिथे त्याची तब्येत आणखी बिघडायला लागली; ऑक्सिजन दिल्यानंतरही तो बेशुद्ध पडला. डॉक्टरांनी गंभीर अवस्था पाहून त्याला टाटा मेन हॉस्पिटल (TMH) मध्ये रेफर केलं.
advertisement
डॉक्टरांनी मृत घोषित केले
टीएमएचमध्ये पोहोचेपर्यंत रात्रीचे 9:30 वाजले होते, पण तोपर्यंत खूप उशीर झाला होता. डॉक्टरांनी साईला मृत घोषित केलं. मुलाच्या अकाली निधनामुळे विजय नंदन आणि त्यांचं कुटुंब खूप दुःखात आहे. साईचे काका सच्चिदानंद यांनी सांगितलं की, डॉक्टरांच्या अहवालानुसार साईचा मृत्यू हृदयविकाराच्या झटक्याने झाला. पूर्णपणे निरोगी आणि हसमुख मुलगा अचानक जग सोडून कसा गेला, हे कुटुंबियांना अजूनही स्वीकारता येत नाहीये.
साईच्या काकांनी हेही सांगितलं की, बुधवारी रात्री साईने वडिलांचे पाय चेपले होते. जेव्हा वडिलांनी त्याला असं करण्यापासून थांबवलं, तेव्हा साई हसला आणि म्हणाला होता, "मला आज तुमचे पाय चेपायला खूप आवडतंय." हे आठवून कुटुंबातील सदस्य रडत आहेत. या घटनेने संपूर्ण परिसरात शोककळा पसरली आहे. परिसरात शोकाकुल शांतता आहे. साईचे अंत्यसंस्कार शुक्रवारी करण्यात आले.
डॉक्टर काय म्हणतात?
सदर हॉस्पिटलचे डॉक्टर रणजीत पांडा यांनी या घटनेला असामान्य आणि चिंताजनक म्हटलं आहे. ते म्हणाले की, हृदयविकाराचा झटका सहसा वृद्धांना येतो, पण किशोरवयीन मुलांमध्ये अशी घटना दुर्मिळ आहे. मानसिक ताण, चुकीच्या खाण्याच्या सवयी किंवा जास्त शारीरिक श्रम ही देखील यामागील कारणं असू शकतात. तथापि, सविस्तर तपासणी आणि कुटुंबियांशी बोलल्यानंतरच नेमकं कारण कळू शकतं. ही घटना समाजासाठी एक इशारा आहे की, मुलांच्या आरोग्याबाबत सावध राहणे पूर्वीपेक्षा अधिक महत्त्वाचं झालं आहे.
हे ही वाचा : पती, 3 मुलं असूनही 35 वर्षांची शिक्षिका 23 वर्षांच्या पोरांसोबत गेली पळून; म्हणे, "12 वर्षांपासून रिलेशनशिपमध्ये..."
हे ही वाचा : पती-पत्नीमधील अनैसर्गिक संबंध 'बलात्कार' होत नाही; कोर्टाचा मोठा निर्णय, वाचा सविस्तर प्रकरण...