पती, 3 मुलं असूनही 35 वर्षांची शिक्षिका 23 वर्षांच्या पोरांसोबत गेली पळून; म्हणे, "12 वर्षांपासून रिलेशनशिपमध्ये..."

संबंधित महिला संजू देवीने दावा केला की, ती गेल्या 12 वर्षांपासून कन्हैयासोबत प्रेमसंबंधात आहे आणि आता दोघांनाही एकत्र राहायचं आहे, म्हणूनच ती त्याच्या घरी आली. तरुणाच्या कुटुंबीयांनी याला विरोध केला, त्यानंतर तिथे गावकऱ्यांची गर्दी जमली. कन्हैयाच्या आईने संजूला घरात ठेवण्यास नकार दिला, पण संजू आणि कन्हैया दोघेही एकत्र राहण्यावर ठाम होते. अखेर स्थानिक लोकांनी मध्यस्थी केल्यानंतर हे प्रकरण पोलिसांना कळवण्यात आलं.

यानंतर पोलिसांनी दोघांनाही पोलीस ठाण्यात नेलं. खूप समजावून सांगितल्यानंतरही दोघेही एकत्र राहण्यावर ठाम राहिले. एसएचओ विकास कुमार यांनी सांगितलं की, महिला आणि तरुण दोघेही सज्ञान आहेत आणि त्यांच्या परस्पर संमतीने त्यांच्या कुटुंबीयांना बोलावून त्यांच्यासोबत घरी पाठवण्यात आलं आहे.