जाणून घेऊयात काळी मिरी खाण्याचे फायदे:
किचन मधल्या प्रत्येक मसाल्याचे काही ना काही औषधी गुणधर्म आहेत. योग्य प्रमाणात या मसाल्यांचं सेवन केलं तर कदाचीत आजारी पडण्याची आणि डॉक्टरांकडे जाण्याची वेळ येणार नाही. काळी मिरी सुद्धा असाच एक मसाला आहे. काळी मिरी खाल्ल्याने रोगप्रतिकारक शक्ती वाढायला मदत होते. याशिवाय आतड्यांच्या आरोग्यासाठीही काळी मिरी फायद्याची ठरते.
advertisement
एका अहवालानुसार, काळ्या मिरीत पिपेरिन नावाचं एक घटक असतं जे शरीरातील पोषकतत्त्वांचं शोषण वाढवतं.यामुळे खालेल्या अन्नपदार्थातून शरीराला जीवनसत्त्वं, खनिजं आणि इतर पोषकतत्वं मिळण्याचं प्रमाण वाढतं. पिपेरिनचे गुणधर्म मेटाबॉलीझम वाढून शरीरातली अतिरिक्त चरबी जळायला मदत करतात. काळी मिरी पचनासही हातभार लावते काळी मिरी खाल्ल्याने गॅसेस, ब्लोटिंग आणि अपचना यासारख्या समस्यांचा त्रास कमी होतो. काळी मिरी पाचक एंझाइम्स वाढवायला मदत करते, ज्यामुळे अन्न पचायला मदत होते. काळ्या मिरीच्या पावडरला गरम पाण्यात उकळून तुम्ही ती काढा किंवा ब्लॅक पेपर टी म्हणून पिऊ शकता.
हे सुद्धा वाचा :वजन कमी करायचं आहे ? प्या स्वयंपाकघरातल्या मसाल्याचा ‘हा’ चहा
काळ्या मिरीत असलेल्या व्हिटॅमिन सीमुळे रोगप्रतिकारक शक्ती मजबूत होते. ज्यामुळे सर्दी आणि खोकल्या सारख्या आजारापासून बचाव होतो. काळी मिरीचे सेवन केल्याने शरीरातील रक्त प्रवाह सुधारतो. काळ्या मिरीत दाहक-विरोधी गुणधर्मांनी आहेत, ज्यामुळे शरीरातील जळजळ कमी व्हायला मदत होते. हिवाळ्यात संधीवात किंवा सांधेदुखीचा त्रास वाढतो अशावेळी काळ्या मिरीचे 3-4 दाणे खाल्ल्यास वेदना कमी होतात.
हे सुद्धा वाचा : मुंबईच्या 'या' मार्केटमध्ये मिळतात जगभरातले मसाले, एकदम स्वस्त!
काळ्या मिरीतल्या पिपेरिनमुळे मेंदूमध्ये रक्त प्रवाह वाढून मेंदूचं कार्य सुधारतं. यामुळे मानसिक ताणतणाव कमी व्हायला मदत होते. काळ्या मिरीमध्ये शक्तिशाली अँटीऑक्सिडंट्स देखील असतात जे मेंदूच्या पेशींचं नुकसान होऊ देत नाहीत. त्यामुळे काळी मिरी मेंदूच्या आरोग्यासाठी प्रचंड फायद्याची आहे.