सावधान! मधमाशांचा डंख ठरू शकतो जीवघेणा; वेळीच 'हे' उपाय करा, वाचू शकतो जीव! 

खरं तर, मधमाशा विनाकारण हल्ला करत नाहीत. त्यांना जेव्हा कोणताही धोका जाणवतो किंवा त्यांचं पोळं हलवलं जातं, तेव्हाच त्या हल्ला करतात. त्यामुळे, सर्वात आधी हे महत्त्वाचं आहे की मधमाशांना डिस्टर्ब करू नये. जर एखादी व्यक्ती त्यांच्या थव्याजवळ जात असेल, तर काही खबरदारी घेणं गरजेचं आहे.

डंख बसल्यावर काय करावं?

जर एखाद्याला मधमाशी चावली, तर सर्वात आधी तो भाग साबण आणि पाण्याने चांगला धुवावा. डंख बसलेल्या जागेवर बर्फ किंवा थंड वस्तू लावल्याने सूज कमी होते. खाज किंवा वेदनेपासून आराम मिळण्यासाठी अँटी-ॲलर्जी औषध घेता येते. जर जास्त डंख बसले असतील किंवा व्यक्तीला श्वास घेण्यास त्रास होत असेल, तर त्वरित डॉक्टरांकडे जावं.

advertisement

डंखामुळे मृत्यू का होतो?

तज्ज्ञांच्या मते, अनेकदा मधमाशांच्या डंखामुळे शरीरात ॲलर्जिक रिएक्शन होते. यामुळे रक्तदाब कमी होऊ शकतो आणि हृदयविकाराचा झटकाही येऊ शकतो. जर एखाद्याला आधीच ॲलर्जीची समस्या असेल, तर अशा लोकांनी विशेष खबरदारी घ्यावी. वेळेवर उपचार न मिळाल्यास मृत्यूही होऊ शकतो.

डंख बसलेला भाग साबण आणि पाण्याने चांगला धुवा. सूज कमी करण्यासाठी बर्फ लावा. खाज किंवा वेदनेपासून आराम मिळण्यासाठी औषध घ्या. श्वास घेण्यास त्रास होत असेल, तर त्वरित रुग्णालयात जा. जर तुमच्या शरीरात आधीच ॲलर्जीची समस्या असेल, तर त्वरित उपचार आवश्यक आहेत.

हे अजिबात करू नका

डंख स्वतः काढण्याचा प्रयत्न करू नका, यामुळे विष आणखी पसरू शकतं. डंख बसलेल्या जागेला वारंवार स्पर्श करू नका.

वन्यजीव आणि प्राणी तज्ज्ञ डॉ. अनुराग सिंह यांचं म्हणणं आहे की, मधमाशांचा डंख सहसा जीवघेणा नसतो, पण जर डंखांची संख्या जास्त असेल किंवा व्यक्तीला ॲलर्जी असेल, तर परिस्थिती गंभीर होऊ शकते. त्यामुळे, खबरदारी आणि वेळेवर उपचार सर्वात महत्त्वाचे आहेत. जेव्हा तुम्ही मधमाशांच्या सभोवती असाल, तेव्हा सावध राहा, त्यांना त्रास देऊ नका आणि जर हल्ला झाला, तर घाबरून न जाता योग्य उपचार घ्या. यामुळे तुमचा जीव वाचू शकतो.

हे ही वाचा : स्क्रीन नव्हे, तर 'या' व्हिटॅमिनच्या कमतरेतमुळे डोळ्यांवर होतो गंभीर परिणाम! वेळीच सावध व्हा, अन्यथा...

हे ही वाचा : उन्हातून आल्यावर लगेच थंड पाणी पिताय? थांबा! थेट हृदयावर होतो परिणाम; अचानक होऊ शकतो मृत्यू