TRENDING:
कढईत अर्धी वाटी सुकं खोबरं रंग बदलेपर्यंत परतून घ्या. कांदा टाका आणि मध्यम आकाराचा कांदा मिनिटभर परतून घ्या. मध्यम आकाराचा टोमॅटो टाका आणि मीठ टाका जेणेकरून टोमॅटोला पाणी सुटतं आणि टोमॅटो लवकर शिजतो. हे थंड करून कोथिंबीर टाकून थोडं पाणी टाकून मिक्सरमध्ये बारीक वाटून घ्या.
Jowar Recipe Video : बुंदीचा लाडू नाही, ही आहेत मुटगी; एक वेगळाच चमचमीत पण हेल्दी पदार्थ
advertisement
३ मोठे चमचे बेसन पीठ घ्या. चवीनुसार मीठ टाका, थोडा गरम मसाला, बेडकी मिरची मसाला पावडर, हळद, जिरे पूड आणि तेल टाका. सगळं नीट मिक्स करा. थोडंथोडं पाणी टाकून बेसन पीठ घट्ट मळून घ्या. १० मिनिटं झाकण ठेवून मुरवत ठेवा. पुन्हा मळा आणि छोटे छोटे तुकडे करून घ्या. सारखा नाही तर ओबडधोबड आकार ठेवा.
कढईत तेल गरम करून त्यात बेसनचे गोळे तळून घ्या. याच तेलात खडे मसाले टाका. कडीपत्ता, आलं-लसूण-जिरं पेस्ट टाका. एक चमचा जिरे पावडर, दीड चमचा मटण मसाला, अर्धा चमचा तिखट लाल पावडर, अर्धा चमचा हळद, एक चमचा धने पावडर, एक चमचा रंगासाठी बेडगी मिरची पावडर, पाव चमचा हिंग टाकून मसाले परतून घ्या. नंतर तयार केलेलं वाटण टाकून तेल सुटेपर्यंत परता.
Celebrity Recipe : करीना कपूरला आवडते कोकी, काय आहे हे, बनवतात कसं, Watch Video
आता अर्धा ग्लास पाणी टाका. पुन्हा ते सुटेपर्यंत शिजवा. आता रस्सा बनवायचा असल्याने अडीच ग्लास गरम पाणी टाका. त्यात बेसनेचे गोळे टाकून झाकण ठेवून मंद आचेवर रस्सा घट्ट होईपर्यंत आणि बेसनचे गोळे शिजेपर्यंत शिजवून घ्या. 15 मिनिटांत भाजी शिजेल. गॅस बंद करून बारीक चिरलेली कोथिंबीर टाका.
Megha Vlog युट्युब चॅनेलवर या रेसिपीचा व्हिडीओ पोस्ट करण्यात आला आहे. तुम्ही ही भाजी बनवून पाहा आणि कशी झाली आम्हाला आमच्या सोशल मीडियाच्या कमेंट बॉक्समध्ये नक्की सांगा.