TRENDING:
ही रेसिपी बनवायला जितकी सोपी आहे, तितकीच ती टेस्टीदेखील आहे. चटपटीत कैरी-कांद्याची चटणी, नाव ऐकूनच तुमच्या तोंडाला पाणी आलं असेल. ही रेसिपी myflavourfuljourney या इंस्टाग्राम अकाऊंटवर शेअर केली गेली आहे. चाल तर मग पाहूया टेस्टी आणि झटपट बनणारी चटपटीत कैरी-कांद्याची चटणी कशी बनवायची.
चटपटीत कैरी-कांद्याची चटणी बनवण्यासाठी लागणारं साहित्य..
advertisement
- कैरी
- कांदा
- हळद
- तिखट
- मीठ
- डाळावं
- लसूण
- हिरव्या मिरच्या
- कोथिंबीर
- तेल
- मोहरी
- जिरं
- तीळ
- हिंग
चटपटीत कैरी-कांद्याची चटणी बनवण्याची सोपी पद्धत..
- सर्वात आधी कैरी घ्या. तिची साल काढून बारीक तुकडे करून घ्या.
- त्यानंतर कांदा घ्या आणि तोही बारीक चिरून घ्या.
- आता खलबत्ता घ्या त्यामध्ये कैरीच्या फोडी टाका.
- या कैरीवर हळद, तिखट, मीठ टाकून ते सर्व व्यवस्थित कुटून घ्या.
- यानंतर यामध्ये डाळावं आणि लसणाच्या काही पाकळ्या टाकून थोडं कुटा.
- आत यामध्ये चिरलेला कांदा, बारीक चिरलेल्या मिरच्या आणि कोथिंबीर टाकून पुन्हा व्यवस्थित कुटून घ्या.
- आता एक तडका तयार करा. यासाठी तेल गरम करा.
- गरम तेलामध्ये मोहरी, जिरं, तीळ आणि हिंग टाका.
- हा गरम तडका सुटलेल्या कैरीच्या चटणीमध्ये टाका.
तर अशाप्रकारे तुमची झटपट बनणारी चटपटीत कैरी-कांद्याची चटणी तयार आहे. तुम्ही चटणी चपातीसोबत किंवा वरण-भातासोबत खाऊ शकता. यामध्ये तिखटाचे प्रमाण तुम्ही तुमच्या आवडीनुसार कमी जास्त करू शकता.
Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.