TRENDING:
एका आजीने तांदळापासून वेगळा असा पदार्थ दाखवला आहे. आजीने भाताचे कोंडुळे बनवले आहेत. आजीची ही रेसिपी आजच्या नवीन पिढीला माहितीच नसेल अशी आहे. त्यामुळे कित्येकांसाठी हा नवा पदार्थ असेल. अगदी काही मोजक्यात साहित्यात आणि कमी कृतीत होणारा हा पदार्थ. यासाठी काय काय लागतं आणि तो कसा बनवायचा? साहित्य आणि कृती पाहुयात.
advertisement
Nistyachi Chutney Recipe Video : खोबरं, लसूण चटणी तर नेहमी खाता; आता बनवून पाहा निस्त्याची चटणी
भाताच्या कोंडुळ्यांसाठी लागणारं साहित्य : तांदूळ, गव्हाचं पीठ, काजू, बदाम, बडीशेप, वेलची, गूळ, मीठ, पाणी, तेल
भाताचे कोंडुळे कसे बनवयाचे कृती
तांदूळ स्वच्छ धुवून घ्यायचे. त्यानंतर एका भांड्यात पाणी घेऊन त्यात टाकून ते शिजवून घ्यायचे. म्हणजे काय तर आपल्याला तांदळाचा भात बनवून घ्यायचा आहे.
भात शिजेपर्यंत 5-6 काजू, 5-6 बदाम एकत्र ठेचून घ्या. चिमूटभर बडीशेप, 4-5 वेलची एकत्र करून त्यांची पूड करून घ्या. गूळ फोडून बारीक करून पावडर करून घ्या.
आता 2 वाट्या गव्हाचं पीठ चाळून घ्या. त्यात थोडं मीठ टाका. आता यात शिजवलेला भात, काजू, बदाम, बडीशेप, वेलची, गूळ सगळं टाकून पीठ मळून घ्या.
Chef Kitchen Tips : जगातील सगळ्यात परफेक्ट Omelette कसं बनतं? शेफ रणवीरने सांगितलं सीक्रेट
या पिठाचे गोळे करा. ओल्या कापडावर थालीपीठ थापतो तसं हे पीठ थापून घ्यायचं आहे. थालीपीठाप्रमाणेच त्याच्यामध्ये होल करून तव्याला तेल लावून त्यावर टाकायचं. लगेच झाकण ठेवायचं. थोड्या वेळाने झाकण काढून कडेने तेल सोडायचं आहे आणि नंतर बाजू परतून घ्यायची. दोन्ही बाजूंनी खरपूस भाजलं की तव्यावरून काढायचं. भाताचे कोंडुळे तयार.
@Neel_9268 and @niluchiaaji युट्युब चॅनेलवर हा व्हिडीओ पोस्ट करण्यात आला आहे. तुम्ही ही वेगळी रेसिपी करून पाहा, तुम्ही खा, तुमच्या मुलांनाही द्या आणि कशी झाली आम्हाला आमच्या सोशल मीडियाच्या कमेंट बॉक्समध्ये नक्की सांगा. तुमच्या आजीच्या हातची असा कोणता गावरान पदार्थ तुम्हाला आठवतो किंवा तुमची आजी बनते तेसुद्धा आम्हाला सांगायला विसरू नका.