तुळशीच्या बिया नियमित खाल्ल्यानं वजन नियंत्रित ठेवण्यासाठी मदत होतेच तसंच हाडं मजबूत करण्यासाठी आणि रोगप्रतिकारक शक्ती वाढवण्यासाठी देखील या बिया प्रभावी ठरू शकतात.
तुळशीच्या बिया: तुळशीच्या बियांना सुपरफूड म्हटलं जातं. या लहान बियांमधे फायबर, खनिजं आणि अँटिऑक्सिडंट्स भरपूर असतात आणि यामुळे पचन सुधारण्यासाठी, वजन नियंत्रित करण्यासाठी तसंच रक्तातील साखर, कोलेस्टेरॉल नियंत्रित करण्यात महत्त्वाच्या आहेत.
advertisement
Feet Care : कोमट पाण्याची किमया, स्नायूंना मिळेल आराम, झोपेची समस्या होईल दूर
पचन आणि आतड्यांच्या आरोग्यासाठी फायदेशीर
तुळशीच्या बिया पाण्यात भिजवल्यावर त्या फुगतात आणि जेलसारख्या दिसतात. या गुणधर्मामुळे पचन सुधारतं आणि बद्धकोष्ठतेपासून आराम मिळतो. कारण या बियांमधे असलेलं विरघळणारं फायबरमुळे आतड्यांचं आरोग्य सुधारतं आणि चांगल्या बॅक्टेरियांना पोषण मिळतं.
वजन कमी करण्यास उपयुक्त
वजन नियंत्रित करण्यासाठी तुळशीचं बियाणं वरदान ठरू शकतं. या बिया पोटात फुगतात आणि यामुळे पोट भरल्याची भावना निर्माण होते, अनावश्यक अन्न खाण्याची इच्छा यामुळे कमी होते. उच्च फायबर आणि कमी कॅलरी या गुणधर्मांमुळे या बिया आहारात असाव्यात असा सल्ला आरोग्यतज्ज्ञ देतात.
Skin Care : दूध, फळांचे आईस क्युब आणतील चेहऱ्यावर चमक, वापरण्याची पद्धत आणि फायदे
साखर, कोलेस्ट्रॉल आणि हाडांचं आरोग्य
तुळशीच्या बिया रक्तातील साखरेची पातळी संतुलित करण्यास मदत करतात, कारण बिया ग्लुकोज हळूहळू शोषून घेतात. तसंच, त्यातलं फायबर वाईट कोलेस्ट्रॉल (LDL) कमी करण्यास मदत करू शकतं, यामुळे हृदयाचं आरोग्य चांगलं राहतं. कॅल्शियम, मॅग्नेशियम आणि लोह यांसारखी खनिजं हाडं मजबूत करतात आणि शरीराला आवश्यक पोषण देतात.
तुळशीच्या बिया खाण्यासाठी एक-दोन चमचे बिया पंधरा मिनिटं पाण्यात भिजवून ठेवा आणि नंतर प्या. स्मूदी आणि ज्यूसमध्येही याचा वापर करु शकता.
या बिया ओट्स, खीर किंवा दलियामत मिसळल्यानं अन्नाचं पोषणमूल्य वाढतं.
दही, पुडिंग किंवा फ्रूट सॅलडमध्ये मिसळूनही या बिया चांगल्या लागतात.
सुक्या बिया खाल्ल्यानं पोटात गॅस किंवा पोट फुगणं असे प्रकार होऊ शकतात, म्हणून बिया नेहमी भिजवून ठेवा आणि मर्यादित प्रमाणात सेवन करा.