सलाड खाणं आरोग्यासाठी चांगलं, त्याचे फायदे आहेत हे तुम्हाला माहिती आहे. पण याचे दुष्परिणामही असू शकतात याचा तुम्ही कधी विचार केला होता का? तज्ज्ञांनी दिलेल्या माहितीनुसार आयुर्वेदाने सलाड निषिद्ध सांगितला आहे. अन्नपाणी विद्यामध्ये स्पष्ट सांगितलं आहे की तुम्ही कच्च्या भाज्या खायच्या नाहीत.
Health Risk Of The Day : दूध वारंवार गरम करणं धोकादायक, तज्ज्ञांनी सांगितले दुष्परिणाम
advertisement
तज्ज्ञ म्हणाले तुमचे आईबाबा, आजीआजोबांना विचारा ते किती भाज्या खात होते, नव्हते खात किंवा अगदी कमी प्रमाणात. आता भाज्यांचं कंटनेर मोठं असतं आणि बाकी पदार्थ डाळी वगैरे आपण थोडं थोडं खातो.
नाइटशेड व्हेजिटेबल म्हणजे भाज्यांचा विशिष्ट ग्रुप ज्यात काकडी, टोमॅटो, ढोबळी मिरची वगैरे येतात. तर काही शेंगा आहेत, डाळी आहेत यात लेक्टिन्सचं प्रमाण खूप जास्त असतं. हे लेक्टिन्स किंवा फायटो केमिकल्स असतात. हे यासाठी असतात की प्राण्यांनी ते खाऊ नये. भाज्यांचं स्वतःला सुरक्षित करण्याचं हे एक मेकॅनिझम आहे. पण आपण ते खातो. आपलं लहान आतडं त्यात टाइट जंक्शन्स असतात, जे कोणतेही अँटिजन्स किंवा विषाक्त पदार्थ रक्तप्रवाहात जाऊ नयेत, यासाठी बॅरिअर्स किंवा फिल्टर्स असतात. हे टाइट जंक्शन्स कच्च्या भाज्या लूझ करतात.
Health Risk Of The Day : भाजलेल्या जागेवर बर्फ लावल्याने काय होतं?
कच्च्या भाज्या नाही खायच्या मग फायबर कसं घ्यायचं, तर भाज्या थोड्या परतून खा, उकडून खा. उकडून म्हणजे शिजवून नाही तर त्या प्रेशर कुक असाव्यात. शेंगा, कडधान्य आणि डाळी हे प्रेशर कुक असाव्यात म्हणजे लेक्टिन त्यात डिझॉल्व्ह होऊन जातं", असं आयुर्वेदिक डॉक्टर मुकुंग सबनीस यांनी एका पॉडकास्टमध्ये ही माहिती दिली आहे.
सूचना : हा लेख सर्वसामान्य माहितीवर आधारित आहे. न्यूज18मराठीने फक्त माहितीसाठी दिला आहे. अवलंब करण्यापूर्वी तज्ज्ञांचा सल्ला जरूर घ्यावा.