पांढरे केस काळे करण्यासाठी बाजारात अनेक प्रकारची उत्पादनं उपलब्ध आहेत. तसंत यासाठी नैसर्गिक पद्धतींचाही वापर करु शकता. यासाठी घरी एक खास तेल बनवता येईल. यामुळे, केस पांढरे होण्याचं प्रमाण कमी होतं आणि केसांचा नैसर्गिक रंग टिकवून ठेवता येतो.
PCOS : पॉलीसिस्टिक ओव्हरी सिंड्रोम म्हणजे काय ? हे केस गळण्याचं कारण असू शकतं का ?
advertisement
हे आयुर्वेदिक तेल बनवण्यासाठी प्रथम एक लोखंडी तवा घ्या. यात शंभर मिली नारळ तेल आणि शंभर मिली तीळाचं तेल घाला आणि ते गरम करा. तेल थोडं गरम झाल्यावर त्यात मुठभर कढीपत्ता घाला. कढीपत्ता काळा होईपर्यंत उकळू द्या. यानंतर, गॅस बंद करा आणि तेल थंड होऊ द्या. तेल थंड झाल्यावर ते गाळून काचेच्या बाटलीत भरा. हे तेल आठवड्यातून दोन ते तीन वेळा केसांच्या मुळांना लावा. एक ते दोन तासांनी सौम्य शाम्पूनं केस धुवा.
Intestines : आतडी मजबूत करण्यासाठी पाच घरगुती रामबाण उपाय, ही माहिती नक्की वाचा
तीळाच्या तेलानं केसांच्या मुळांना पोषण मिळतं. याशिवाय, त्यात अँटीऑक्सिडंट्स आणि जीवनसत्त्व असतात. यामुळे केस काळे आणि जाड करण्यास मदत करतात. नारळाच्या तेलानं केस खोलवर मॉइश्चरायझ होतात आणि प्रथिनं कमी होण्यास प्रतिबंध करते. कढीपत्त्यात लोह, कॅल्शियम आणि बीटा-कॅरोटीन असतं, ज्यामुळे केस नैसर्गिकरित्या काळे राहण्यासाठी मदत होते.