TRENDING:
अमरावती : हिवाळ्यात आपली त्वचा अतिशय नाजूक होते. थंडीचा कडाका वाढला की त्वचा कोरडी पडते. अशातच हिवाळ्यात अनेक महिला आणि मुली लग्नसराईमुळे फेशियल करतात. फेशियल करताना काही वेळा त्याचे साइड इफेक्ट आपल्याला दिसून येतात. जसे की, त्वचा लाल होणे, त्वचेला जळजळ होणे. हा त्रास टाळण्यासाठी फेशियल करताना कोणत्या चुका टाळायला पाहिजे? याबद्दलच त्वचारोग तज्ज्ञ डॉ. अनुराधा टाकरखेडे यांनी माहिती दिली आहे.
advertisement
हिवाळ्यात फेशियल करताना कोणत्या चुका टाळायला पाहिजे?
हिवाळ्यामध्ये आपली त्वचा अतिशय नाजूक होते. थंडीचा जोर वाढला की, त्वचा कोरडी होते. कोरडी त्वचा नाजूक असल्याने त्यावर कोणतेही साइड इफेक्ट लवकर होतात. पण, कोणीही याकडे लक्ष देत नाहीत. नेहमी प्रमाणे त्वचेची काळजी घेणे सुरू असते. हिवाळ्यात त्वचेसाठी काहीही करताना एकदा डॉक्टरांचा सल्ला घेणे गरजेचे आहे. त्याचबरोबर रूटीनमध्ये सुद्धा बदल करणे गरजेचे आहे, असं डॉ. अनुराधा टाकरखेडे सांगतात.
सर्वात पहिले म्हणजे हिवाळ्यात फेशियल करताना सर्वात आधी स्क्रब करणे टाळले पाहिजे. सामान्यतः फेशियल करताना स्क्रब हा महत्त्वाचा पार्ट मानला जातो. पण हिवाळ्यात त्वचा नाजूक होत असल्याने स्क्रब टाळायला पाहिजे. स्क्रब केल्यास त्वचा लाल होणे आणि त्यातून वेगवेगळे इन्फेक्शन होणे, अशा समस्या निर्माण होतात.
त्यानंतर दुसरं म्हणजे ग्लिसरीन सुद्धा टाळणे तेवढेच महत्त्वाचे आहे. ग्लिसरीन युक्त फेशियल वापरल्यास त्वचा काळी पडते. काही वेळा त्वचा जास्त तेलकट होऊन त्यावर पिंपल्स सुद्धा येतात. त्यामुळे चुकूनही ग्लिसरीन असलेले प्रॉडक्ट फेशियलसाठी वापरायचे नाही.
हिवाळ्यात फेशियल करताना तिसरी चुकी ही टाळायला पाहिजे की, त्वचा कोरडी करणारे काही फेशियल प्रॉडक्ट असतात ते शुद्ध वापरायचे नाही. जसे की, सॅलेसिलिक ऍसिड, क्लायक्लोलिड ऍसिड असणाऱ्या प्रॉडक्टचा वापर टाळायला पाहिजे. जर कधी वापरण्यात आले तर त्यानंतर लगेच मॉइश्चरायझर लावायला पाहिजे, असे डॉ. टाकरखेडे यांनी सांगितले.
सूचना: इथं दिलेली माहिती तज्ज्ञांशी केलेल्या चर्चेवर आधारित आहे. तरी, आपण आपल्या आरोग्याबाबत कोणताही निर्णय घेण्यापूर्वी स्वत: डॉक्टरांचा सल्ला घ्यावा. कोणत्याही नुकसानासाठी न्यूज18 मराठी जबाबदार नसेल.