१ - ग्रीन टी -
ग्रीन टी हा कॅफिनचा सौम्य स्रोत आहे, परंतु तो कॉफीसारखा जड नाही. यामध्ये असलेले अँटिऑक्सिडंट शरीराची रोगप्रतिकारक शक्ती वाढवण्यास मदत करतात. याशिवाय, हे शरीराला डिटॉक्स करण्यासाठी देखील उपयुक्त आहे आणि वजन कमी करण्यात मदत करू शकते. सकाळी एक कप ग्रीन टी प्यायल्यामुळे तुम्हाला दिवसभर ताजंतवानं वाटू शकतं.
advertisement
कोणतीही औषधं न घेता BP नियंत्रणात येणार, ब्रेन स्ट्रोकचा धोकाही टळणार? कसं? जाणून घ्या
२. लिंबूपाणी
सकाळी लिंबू टाकून कोमट पाणी पिणं शरीरासाठी खूप फायदेशीर आहे. हे केवळ शरीराला हायड्रेट करत नाही तर चयापचय गतिमान करते. याशिवाय लिंबूमध्ये असलेले व्हिटॅमिन सी शरीराला ऊर्जा आणि ताजेपणा देण्यास मदत करते. हे पचन सुधारते आणि शरीरातील विषारी पदार्थ काढून टाकते.
कोशिंबीरीत काकडी हवीच; Acidity कधीच होणार नाही; पण या वेळी खाल्ली तर मात्र...
३. हळदीचं दूध
हळदीचं दूध आरोग्यासाठी खूप फायदेशीर आहे. हळदीमध्ये दाहक-विरोधी गुणधर्म असतात, जे शरीरातील जळजळ कमी करण्यास मदत करतात. सकाळी हळदीचं दूध प्यायल्यामुळे तुमची रोगप्रतिकार शक्ती मजबूत होते आणि तुम्हाला दिवसभर ऊर्जा मिळते. याशिवाय, त्वचा सुधारण्यासाठी आणि स्नायूंचा थकवा दूर करण्यासाठी देखील हे उपयुक्त आहे.
४. नारळ पाणी
नारळ पाणी हे एक नैसर्गिक आणि कमी कॅलरी असलेले पेय आहे, जे शरीराला केवळ ताजेतवाने करत नाही तर हायड्रेशन देखील राखते. सकाळी नारळपाणी प्यायल्यामुळे शरीरातील इलेक्ट्रोलाइट्सचे संतुलन कायम राहतं आणि तुम्हाला त्वरित ऊर्जा मिळते. त्यात पोटॅशियम आणि इतर खनिजं असतात, जे तुमच्या दिवसाची चांगली सुरुवात करण्यात मदत करतात.
५. हर्बल चहा -
हर्बल चहा अनेक प्रकारच्या औषधी वनस्पतींपासून तयार केला जातो, ज्यामध्ये पुदीना, कॅमोमाइल, आलं, तुळस इ. हे कॅफिन मुक्त आहे आणि त्याच्या सेवनानं शरीराला शांतता आणि ताजेपणा मिळतो. सकाळी आलं किंवा तुळससोबत हर्बल चहा घेतल्यामुळे पचनक्रिया सुधारते आणि शरीराला आवश्यक अँटीऑक्सिडंट्स मिळतात. तुमचा मानसिक ताण कमी करण्यासाठी आणि दिवसाची सुरुवात सुरळीत होण्यासाठी देखील हे उपयुक्त आहे.