कोणतीही औषधं न घेता BP नियंत्रणात येणार, ब्रेन स्ट्रोकचा धोकाही टळणार? कसं? जाणून घ्या

योग्य आहाराचं सेवन न करणं, बिघडलेली जीवनशैली यामुळे उच्च रक्तदाबाची समस्या सुरू होते. याशिवाय लठ्ठपणा, टाइप-2 मधुमेह, किडनीची समस्या, झोपेची समस्या यामुळेही हा आजार वाढू शकतो. या आजाराला ‘सायलेंट किलर’असंही म्हणतात. ब्लड प्रेशर पातळी 80/120 mm/hg असेल तर ती सामान्य मानली जाते; मात्र 90/140 mm/hg पेक्षा जास्त असेल तर तो उच्च रक्तदाब मानला जातो.

ब्लड प्रेशर जेव्हा सामान्य पातळीपेक्षा जास्त होतं, त्या वेळी शरीरात अनेक प्रकारची लक्षणं दिसतात. यामध्ये डोकेदुखी, अंधूक दृष्टी, चक्कर येणं, थकवा, श्वास घेण्यास त्रास होणं अशा लक्षणांचा समावेश आहे. उच्च रक्तदाबाची पातळी दीर्घ काळ राहिल्यानं हृदय, मेंदू, किडनी आणि डोळे यांचं नुकसान होऊ शकते. ब्रेन स्ट्रोकचाही धोका वाढतो.

आजकाल धावपळीमुळे योग्य व सकस आहार घेण्याकडे दुर्लक्ष होतं. परंतु ते आरोग्यासाठी धोकादायक ठरू शकते.