पुण्यात टेम्पो तीव्र उतारावर असतानाच अचानक ब्रेक फेल, समोर धावत्या दुचाकी अन् क्षणात घडलं भयंकर; तळजाई टेकडीवर थरार

अपघाताची माहिती मिळताच सहकारनगर पोलीस ठाण्याचे वरिष्ठ पोलीस निरीक्षक विठ्ठल पवार यांनी तातडीने घटनास्थळी धाव घेतली. या घटनेमुळे तळजाई टेकडीवरील वाहतूक नियोजनाचा प्रश्न पुन्हा एकदा समोर आला आहे. या भागात अवजड वाहनांना बंदी असतानाही टेम्पो आणि इतर वाहने खुशाल वावरत आहेत. टेकडीचा उतार धोकादायक असल्याने येथे वारंवार अपघात होतात, तरीही तेथे ठोस उपाययोजना करण्यात आलेल्या नाहीत. स्थानिक नागरिकांनी या अपघातानंतर संताप व्यक्त केला असून, प्रशासनाने अवजड वाहतुकीवर कडक निर्बंध घालावेत आणि तीव्र उतारावर गतिरोधक किंवा सुरक्षा कठडे बसवावेत, अशी मागणी जोर धरू लागली आहे.