भारतीय संस्कृतीत, पहिल्या अंघोळीला उटणं लावण्याची परंपरा शुद्धता, आरोग्य आणि सौंदर्य यांचे प्रतीक मानली जाते. उटणं लावल्याने त्वचेला पोषण मिळते, अनावश्यक केस कमी होतात, आणि त्वचा मऊ आणि तजेलदार बनते. याशिवाय, उटणाच्या नैसर्गिक सुगंधामुळे मन प्रसन्न राहते.
पण अनेक लोक बाहेरुन उटणं आणून लावतात. जे कधीकधी चेहरा किंवा स्कीनसाठी धोक्याचं ठरतं. पण आता काळजी करण्याची गरज नाही तुम्ही घरच्या घरी देखील काही मोजके साहित्य वापरुन सुगंधीत उटण तयार करु शकता.
advertisement
घरच्या घरी उटण बनवण्यासाठी साहित्य:
बेसन – 2 चमचे
बदाम पूड –1 चमचा
हळद पावडर – 1/2 चमचा
गुलाबजल – आवश्यकतेनुसार
दूध – 1 चमचा (ऐच्छिक, त्वचेला पोषणासाठी)
कपूर – 1-2 थेंब
कृती:
सर्व कोरडे साहित्य (बेसन, बदाम पूड, हळद) एका बाउलमध्ये नीट मिसळा.
हळूहळू गुलाबजल आणि दूध घालून घट्ट पेस्ट तयार करा.
पेस्ट हळुवार हाताने किंवा ब्रशने चेहरा, हात, पाय यावर लावा.
10-15 मिनिटे उटण शरीरावर राहू द्या.
नंतर हळूहळू पाणी वापरून धुवून टाका.
हे घरगुती उटण सोपं, नैसर्गिक आणि स्वस्त आहे आणि दिवाळीच्या पहिल्या स्नानाला एक विशेष पारंपरिक अनुभव देतं. तुम्हीयामध्ये नारळाचं दुध देखील वापरु शकता.