TRENDING:
होय, आज तुम्हाला अशा काही टिप्स देत आहोत, ज्यामुळे तुम्हाला तुमच्यासाठी योग्य हिल्स निवडणं सोपं जाईल आणि योग्य हिल्स घातल्यामुळे तुमच्या टाचांना किंवा पायांना अजिबात त्रास होणार नाही. अलिकडेच, एक व्हिडिओ व्हायरल झाला आहे, ज्यामध्ये तुमच्यासाठी योग्य हिल्स कशी निवडायची, हिल्सची योग्यप्रकारे तपासणी कशी करायची हे सांगितले आहे.
हिल्स मजबूत आहेत की नाही हे ओळखणे आवश्यक..
advertisement
काही हिल्स तुम्हाला कितीही आवडल्या, आकर्षक अदिसत असल्या तरी त्या मजबूत आहेत की नाही हे तपासणे आवश्यक असते. हिल्स कमकुवत असल्या तर तुम्हाला अनेक अडचणींचा सामना करावा लागू शकतो. जसे की, हिल्सवर तुमचे संतुलन बिघडू शकते, घोट्याला इजा होऊ शकते किंवा मुराद येऊ शकते, गुडघे आणि पाठीवर दबाव वाढू शकतो, पडण्याचा धोका वाढतो. म्हणूनच डिझाइन, ब्रँड किंवा रंगानुसार हिल्स खरेदी करण्यापेक्षा त्या मजबूत आहेत कि नाही हे तपासणं गरजेचं आहे.
हिल्स खरेदी करण्यापूर्वी करा या महत्त्वाच्या टेस्ट..
- हिल्सचा मागचा उंच भाग हळूवारपणे हलवून पाहा. जर ते सहज हलत असेल, तर त्या हिल्स कमकुवत आहेत आणि त्या चालताना तुमच्या पायांमध्ये समस्या निर्माण करू शकतात.
- तुम्हाला जी हिल्स घ्यायची आहे, ती घालून उभे राहा. त्यावर तुमचे वजन डाव्या आणि उजव्या बाजूला हलके झुकवून पाहा. जर तुम्हाला त्यावर उभे राहून अस्थित वाटत असेल तर त्या हिल्स तुमच्यासाठी असुरक्षित आहेत.
- हिल्स घालून दुकानात काही पावलं चालून पाहा. जर चालताना तुमचा पाय मुरगळत असेल किंवा तोल जात असेल, तर अशी हिल्स घेऊ नका. कारण अशा हिल्स पुढे तुमच्यासाठी धोकादायक असू शकतात.
योग्य हिल्स खरेदी करण्यासाठी महत्त्वाच्या टिप्स
तुम्ही घेऊ इच्छिणारी हिल्स जर चालताना हलकीशी वाकडी तिकडी होत असेल तर घेऊ नका, हिल्सवर चालताना ती अस्थिर वाटत असेल, तर ती खरेदी करणं टाळा. ज्या हिल्सने पायाला योग्य आधार मिळत नसेल ती तुमच्यासाठी सुरक्षित नाही.
Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.