Kasuri Methi : ताज्या मेथीच्या पानांपासून अशी बनवा कसुरी मेथी; अशाप्रकारे साठवा, वर्षभर टिकेल रंग आणि सुगंध

बाजारात मिळणारी कसुरी मेथी बहुतेक लोक वापरतात, पण तुम्ही घरी सहज कसुरी मेथी बनवू शकता. हिवाळा म्हणजे हिरव्या सुवासिक मेथीचा ऋतू. याच्या मदतीने तुम्ही घरीही कसुरी मेथी बनवू शकता. विशेष बाब म्हणजे मायक्रोवेव्हमध्ये अवघ्या ५ मिनिटांत ते तयार करता येते. जाणून घ्या कसुरी मेथी घरी कशी बनवायची.

कसुरी मेथी बनवण्याची कृती..

advertisement

- हिवाळ्यात ताजी हिरवी मेथी बाजारात मिळते. कसुरी मेथी बनवण्यासाठी स्वच्छ आणि लहान हिरवी मेथीची पाने निवडा. 2-3 वेळा स्वच्छ पाण्याने मेथीची पाने चांगली धुवा.

- आता मेथी कापडात किंवा चाळणीत ठेऊन वाळवा. पाणी ओसरल्यावर मायक्रोवेव्ह ट्रेवर मेथीची पाने पसरवा.

- मेथीची पाने 3 मिनिटे मायक्रोवेव्ह करा. तुम्हाला मायक्रोवेव्ह फक्त जास्त टेम्परेचरवर चालवावे लागेल आणि मध्ये एकदा ते फिरवावे लागेल.

- मेथी पुन्हा 3 मिनिटे मायक्रोवेव्ह करा. मायक्रोवेव्ह पुन्हा 2 मिनिटे हाय हिट वर करा.

- मेथी थोडीशी थंड झाली की हाताने कुस्करून घ्या. मेथीची पाने थोडावेळ बाहेर ठेवा आणि पूर्णपणे कोरडे-थंड झाल्यावर सीलबंद डब्यात साठवा.

- कसुरी मेथी हवाबंद डब्यात ठेवल्याने ती वर्षभर साठवता येते. तिचा सुगंधही जपला जातो.

- तुम्ही मायक्रोवेव्हशिवायही कसुरी मेथी बनवू शकता. यासाठी मेथीची पाने धुवून वर्तमानपत्रावर वाळवा.

- त्यानंतर मेथीची पाने पंख्याखाली वाळवा आणि सुकल्यावर थोडावेळ उन्हात ठेवा.

- त्यामुळे मेथी बारीक करणे सोपे होईल. त्यानंतर मेथी कुस्करून ती एका हवाबंद डब्यामध्ये ठेवा.