Tilgul Ladoo : कुकरच्या एका शिट्टीत बनवा मऊसूत तिळगूळ लाडू आणि तिळाची वडी

कुकरमध्ये सामान्यपणे आपण भात, डाळ, भाजी बनवतो. पण तुम्ही कधी कुकरच्या मदतीने लाडू बनवून पाहिले आहेत का? हे कसं शक्य आहे? असं तुम्ही म्हणाल. पण कुकरच्या एका शिट्टीत तुम्हाला मऊसूत असे तिळाचे लाडू आणि वडी बनवता येऊ शकते. एका महिलेने हा रेसिपी व्हिडीओ सोशल मीडियावर पोस्ट केला आहे आहे.

Tilgul Ladoo Recipe : पाक न करता, हाताला चटके न देता मऊसूद तिळगुळाचे लाडूची रेसिपी

advertisement

साहित्य

तिळगुळाच्या लाडूसाठी

एक वाटी तीळ

अर्धी वाटी शेंगदाणे

दीड वाटी गूळ

पाव चमचा वेलची जायफळ पावडर

दोन चमचे साजूक तूप

तिळाच्या वडीसाठी

एक वाटी तीळ

एक वाटी शेंगदाणे

दोन वाट्या गूळ

पाव चमचा वेलची जायफळ पावडर

दोन चमचे साजूक तूप

आवडीप्रमाणे सुकामेवा चे काप

कृती

कुकरमध्ये राहतील अशी 2 भांडी घ्या. एका भांड्यात 2 वाट्या आणि एका भांड्यात दीड वाट्या किसलेला गूळ घ्या. कुकरमध्ये थोडं पाणी टाका आणि गूळ असलेली दोन्ही भांडी एकावर एक ठेवून वर झाकण ठेवून. कुकरला एक शिट्टी काढा.

आता गॅसवर कढई ठेवून त्यात आधी शेंगदाणे नंतर पांढरे तीळ भाजून घ्या. शेंगदाण्याच्या साली काढून घ्या. वर साहित्यामध्ये लाडू आणि वडीसाठी सांगितलेल्या प्रमाणानुसार शेंगदाणे, तीळ वेगवेगळे काढा. मिक्सरच्या भांड्यात टाकून मिक्सर बंद-चालू करून वाटून घ्या.

Kandepohe : परफेक्ट कांदेपोह्यांसाठी पोहे आणि कांद्याचं प्रमाण किती असावं?

आता कुकरमधील गूळ काढून घ्या. हा गूळ तुम्हाला विरघळलेला दिसेल. यात साजूक तूप, वेलची, जायफळ पूड टाकून मिक्स करून घ्या. यात शेंगदाणा, तिळाचं मिश्रण टाका मिक्स करून घ्या. ताट किंवा मिठाईचा बॉक्स घेऊन थोडं तेल लावून मिश्रण त्यात पसरवून घ्या, वरून थोडे भाजलेले तीळ आणि ड्रायफ्रुट्सचे काप पसरवून घ्या आणि थंड झाल्या की वड्या कापून घ्या.

लाडूसाठी शेंगदाणे जाडसर वाटून घ्या. तीळही निम्मे वाटून घ्या आणि निम्मे तीळ अख्खे ठेवा. आता दुसऱ्या भांड्यातील गूळात वेलची, जायफळ पावडर आणि शेंगदाणे, तिळाचे मिश्रण टाकून लाडू वळून घ्या. गरज असेल तर थोडंसं तूप टाकून घ्या. हाताला तूप लावून लाडू वळून घ्या. मिश्रण गरम नसतं, त्यामुळे लाडू वळताना हातालाच चटके बिलकुल लागत नाही. एरवी नेहमीच्या पद्धतीने हे लाडू बनवले तर शेवटी मिश्रण कडक होऊ लागतं. पण या पद्धतीने मिश्रण शेवटपर्यंत नरम राहतं.

Priyas Kitchen या युट्युब चॅनेलवर हा व्हिडीओ पोस्ट करण्यात आला आहे. तुम्ही या पद्धतीने तिळाचे लाडू करून पाहा आणि कसे झाले आम्हाला आमच्या सोशल मीडियाच्या कमेंट बॉक्समध्ये नक्की सांगा.